Маъмурий ва молия ҳуқуқи кафедрасининг 2020/2021 ўқув йили кузги семестр давомида ҳар бир фан хусусиятидан келиб чиққан ҳолда семестр давомида оралиқ назорат турини ўтказиш сони, шакли ва тартиби

10 балл семинар ўқитувчи томонидан қўйилади. Қуйидаги баҳолаш мезонларига асосланади: − Семинарларда фаол иштирок этиш – 5 балл; − cуд ҳал қилув қарори лойиҳасини тайёрлаш ва семинар ўқитувчисига тақдим этиш– 5 балл.

1-казус Фуқаро Б.О давлат корхонасига мурожаат қилиб, ишчи хизматчиларга уй-жой ажратиш учун асос бўлган ҳужжатлар билан таништиришни сўраган. Давлат корхонаси масъул ходими томонидан Б.О.га турар жой ажратиш имконияти мавжуд эмаслиги маълум қилиниб, мурожаат қаноатлантирилмаган. Шу сабабли Б.О маъмурий судга ариза билан мурожаат қилиб, Б.О.нинг ахборот олиш ҳуқуқи бузилганлиги важи билан давлат корхонаси масъул ходимининг ишчи хизматчиларга уй-жой ажратиш учун асос бўлган ҳужжатлар билан таништирмасликда ифодаланган ҳаракатсизлигини ғайриқонуний деб топишни сўраган. Биринчи инстанция судининг ҳал қилув қарори билан аризани қаноатлантириш рад этилган. Вазиятга ҳуқуқий баҳо беринг. Биринчи инстанция судининг ҳал қилув қарори асослими? Фикрингизни амалдаги қонунчилик асосида таҳлил қилинг. 2-казус Фуқаро Д.Б. Самарқанд давлат чет тиллар институти ректорининг 2017 йил 22 мартдаги 333-сонли буйруғи билан талабалар сафидан четлаштирилган. Д.Б. институт ректори номига раиза билан мурожаат қилиб уни талабаликка қайта тиклашни сўраган. Бироқ, унинг мурожаатига институт ректори томонидан рад жавоби берилган. Шу сабабли, Д.Б. маъмурий судга ариза билан мурожаат қилиб, институт ректорининг Д.Б.ни талабаликка қайта тиклашни рад этишда ифодаланган ҳаракатини қонунга хилоф деб топишни, унинг зиммасига 2017 йил 22 мартдаги 333-сонли буйруғини бекор қилиш ва Д.Б.ни ўқишга қайта тиклаш мажбуриятини юклашни сўраган. Биринчи инстанция судининг ҳал қилув қарори билан институт ректорининг Д.Б.ни талабаликка қайта тиклашни рад этишда ифодаланган ҳаракати қонунга хилоф деб топилган, унинг зиммасига 2017 йил 22 мартдаги 333-сонли буйруғини бекор қилиш ва Д.Б.га ўзлаштирмаган фанлари бўйича имтиҳонларни қайта топширишга рухсат бериш мажбурияти юклатилган.