Маъмурий ва молия ҳуқуқи кафедрасининг 2020/2021 ўқув йили кузги семестр давомида ҳар бир фан хусусиятидан келиб чиққан ҳолда семестр давомида оралиқ назорат турини ўтказиш сони, шакли ва тартиби

Вазиятга ҳуқуқий баҳо беринг. Биринчи инстанция судининг ҳал қилув қарори асослими? Фикрингизни амалдаги қонунчилик асосида таҳлил қилинг.


5-казус
Фуқаро К.Исмаилов Тошкент шаҳар марказлашган ФҲДЁ архиви мансабдор шахсларининг ҳатти-ҳаракатларини ноқонуний деб топиш ва никоҳни қайд этиш ҳақидаги далолатнома ёзувига ўзгартириш киритиш мажбуриятини юклаш ҳақидаги шикоят ариза билан судга мурожаат қилган.
Аризачи К.Исмаилов шикоятига кўра, ота-онасининг архивда сақланаётган 1940 йил 04 июлда №359 сон билан қайд этилган никоҳ далолатнома ёзувида эр устунида исмини “Исмагилов Ахмат”, хотини устунида фамилиясини “Ивадова” деб нотўғри қайд қилинганлигини билганлигини, бу борада Тошкент шаҳар ФҲДЁ архивига ота-онасининг никоҳ тузилганлик ҳақидаги далолатнома ёзувига ўзгартириш киритишни сўраб қилган мурожаатига рад жавобини олганлигини ва бу холат унинг меросга бўлган ҳуқуқ гувоҳнасини олишда турли муаммоларга сабаб бўлаётганлиги маълум қилиб, шу сабабли ота-онасининг никоҳни қайд этиш ҳақидаги далолатнома ёзувига эр устунида исмини “Исмагилов Ахмат”дан “Исмаилов Ахмед”га, хотини устунида фамилиясини “Ивадова”дан “Ибадова”га ўзгартириш ва тузатиш киритиш мажбуриятини юклашни сўраган.
Бироқ, суд Тошкент шаҳар Юнусобод тумани ФҲДЁ бўлими мансабдор шахсларининг ҳаракатлар (ҳаракатсизлик) қонун ҳужжатларига зид эмаслиги маълум қилиб, К.Исмаиловнинг муроажжатини қаноатлантиришни рад этиш тўғрисида ҳал қилув қарори қабул қилди.
К.Исмаилов бундан норози бўлиб апелляция шикояти беришини маълум қилди.
Вазиятга ҳуқуқий баҳо беринг. Суднинг К.Исмаиловнинг шикоятини қанотлантиришни рад этиш тўғрисидаги хал қилув қарори асослими? Жавобингизни қонун ҳужжатларига кўра асосланг.


6-казус
Аризачи Цитурос Эллада Лазарос шикоятда, 08.06.2017 йилда Тошкент шаҳар 4-сонли туғруқ комплекси бош шифокори П.Евстигнеев томонидан, у билан меҳнат шартномаси тузишда ишга қабул қилиш қоидаси бузилгани, шу боис у билан 9.06.2017 йилдан тез ёрдам шифокори лавозимига қайтадан меҳнат шартномаси тузилиши, бу таклифни рад қилган ҳолда у билан тузилган меҳнат шартномаси бекор қилиниши ҳақида огоҳлантириш хати юборилгани, 9.06.2017 йилда Э.Цитурос касалхона маъмуриятига огоҳлантириш хатига нисбатан эътирознома билан мурожаат қилгани, шунга қарамасдан 30.08.2017 йилдаги 76-сонли буйруқ асосида у билан тузилган меҳнат шартномаси бекор қилинганини важ қилиб келтириб, Тошкент шаҳар 4-сонли туғруқ комплекси бош шифокори П.Евстигнееванинг ҳаракатларини ғайриқонуний, уни ишдан бўшатиш ҳақидаги 30.06.2017 йилдаги 74-сонли буйруқни ҳақиқий эмас деб топишни сўраган.