Маъмурий ва жиноят суд ишларини юритиш

Суд қандай чиқариш керак? 
36.
“Бинокор” фирмаси, агар буюртмачи қишлоқ хўжалик 
маҳсулотларини қайта ишловчи комбинат буюртманинг бутун суммаси 
миқдорида банкдан кафолат олса, қурилиш бўйича ишларни амалга ошириши 
мумкинлигини айтди. Комбинат банкдан кафолат олди, лекин қурилиш 
пудрати шартномасини тузишдан бош тортди ва олинган пулни кундалик 
эҳтиёжларга ишлатишга қарор қилди. 
Комбинат банк билан кафолатни имзолагач, унга кафолат суммасини 
ҳисобварағидан ўтказиш тўғрисида хат билан мурожаат қилди. Банк буни рад 
этиб, бундай талаб билан фақат “Бинокор” фирмаси комбинат томонидан 
бажарилган ишлар учун ҳақ тўлаган ҳолда мурожаат қилиши мумкинлигини 
билдирди. Комбинат ўз аҳдида қаттиқ туриб, иккинчи хатида банкнинг 
кафолати кредит тариқасида берилиб, у комбинатга мажбурият юклаши ва 
банк пулларини қурилиш учун тўланиши ёки хом ашё учун ишлатилиши 
билан қизиқмаслиги кераклигини айтди. 
Банк кафолати нима, унинг бажарилиш шартлари қандай? 
37.
Ижарага олувчининг айби билан омбор биноси ёнғиндан зарар 
кўрди. Ижарага берувчи қуйидаги зарарларни: 
ёнғин натижасида омбор биносининг баҳоси пасайганлиги туфайли 
олинадиган сумма; 
тиклаш-таъмирлаш ишларига кетадиган вақт учун ижара ҳақи; 
қурилиш ташкилоти сметасига мувофиқ тиклаш-таъмирлаш учун 
кетадиган харажатлар; 

---

34 
агар ижарага олувчи шартномага кўра ўз зиммасига олган омбор 
биносини ижарага берувчи фойдасига суғурталанганда, ижарага берувчи 
олиши мумкин бўлган суғурта суммаси ундириш бўйича даъво қўзғатди. 
Ушбу ҳолда қайси суммасини ундириш лозим? 
38.
“Савдогар” савдо фирмаси жорий йилнинг март ойида имзоланган 
олди-сотди шартномасини ижро этиб, Воҳидовага кир ювиш машинасини 
топширди. Машинанинг яроқлилик муддати 6 ой эди. Шу йилнинг декабрь 
ойида Воҳидова шартномани бекор қилиш, харажатларни тўлаш ва маънавий 
зарарни қоплашни сўраб, судга даъво қўзғатади ва сотилган кир ювиш 
машинаси сифатсиз ишлашини айтади. Фирма олди-сотди шартномаси ижро 
этилиши билан бекор бўлганлиги, шунинг учун даъвогарнинг олди-сотди 
шартномасини бекор қилиш тўғрисидаги талаби асоссизлигини айтади.