Маъмурий ва жиноят суд ишларини юритиш

Масала тўғри ҳал қилинганми?
33.
Фуқаро А. нотариусга мурожаат қилиб, фуқаро Б.га тегишли бўлган 
уй-жой (кўчмас мулк)га ҳуқуқини берувчи ордерни расмийлаштириб 
беришни сўради. Бунга асос қилиб, у 30 йил давомида уй-жойга ҳалол, 
ошкора ва узлуксиз эгалик қилиб келганлиги, Б.нинг вафот этганлиги, унинг 
меросхўрлари йўқлигини маълум қилди. Аммо нотариус фуқаролик 
қонунчилиги орқага қайтиш кучига эга эмаслигини билдириб, рад жавобини 
берди. 
Фуқаро А.нинг талаби ўринлими? Масала қандай ҳал қилиниши 
керак? 
 
34.
“Дўстлик” ширкат хўжалигининг ғалла майсалари униб турган 
майдонларида ўтлаб юрган 8 бош қорамол ва 32 бош қўй-қўзилар туман 
ҳокимлиги қарорига асосан ушбу ширкат хўжалиги ўрамидаги фуқаролар 
йиғини тасарруфига ўтказилди. 
Фуқаролар арз билан судга чиқишди. Ушбу ҳолат қандай ҳал 
этилади? Судьянинг фикри қандай бўлиши керак? Мазкур ҳолат қайси 
қонун ҳужжатлари билан тартибга солинади? 

---

33 
35.
Бухоро шаҳридаги уйлардан бирида Ботиров 1-қаватида, Собиров 2-
қаватида яшайдилар. Уй печка орқали иситилади. Ботировнинг уй 
печкасининг тутунчиқаргичи Собировнинг уйига ўрнатилган умумий 
тутунчиқаргичга туташтирилган. Собиров Ботировга ўз тутунчиқаргичини 
девор орқали чиқаришини талаб қилди. Ботиров бунга рад жавобини 
билдирди, шундан сўнг Собиров Ботировнинг тутунчиқаргичини беркитди. 
Ботиров Собировга тутунчиқаргичини очиб қўйишини, бу ҳолат унга 
ҳеч қандай зарар етказмаслигини айтди. Лекин Собиров Ботировнинг 
талабини рад қилди. Шундан сўнг Собиров судга даъво қўзғатди, ўз 
даъвосини асослантириб, даъвогар судга девор орқали тутунчиқаргич 
чиқариш мумкин эмаслиги тўғрисидаги ёнғин хавфсизлиги органининг 
хулосасини берди.