Mamlakatimizda atrof muhitni muhofaza qilish, tabiiy resurslardan oqilona foydalanish, sanitariya va ekologik holatni yaxshilashni ta’minlash sohasida izchil ishlar olib borilmoqda

X. Atrof muhitni muhofaza qilish sohasida fuqarolik jamiyati institutlarini faollashtirish va uzluksiz ta’lim tizimini yaratish bo‘yicha chora-tadbirlar

30.	Aholining atrof muhit holati to‘g‘risida xabardorligini oshirish.	Atrof muhit va tabiiy resurslardan foydalanish holati to‘g‘risida milliy ma’ruzalarni muntazam ravishda tayyorlash va e’lon qilish.	2021-yildan boshlab har yili	Vazirliklar va idoralarning mablag‘lari, xalqaro tashkilotlar va moliya institutlarining grantlari	Davlat ekologiya qo‘mitasi	Aholining atrof muhitni muhofaza qilish masalalari bo‘yicha xabardorligini oshirish.
31.	Atrof muhitni muhofaza qilish sohasida fuqarolik jamiyati institutlarini faollashtirish.	Jumladan, quyidagilarni nazarda tutuvchi normativ va normativ-huquqiy hujjatlarni ishlab chiqish va qabul qilish: ekologik jihatdan muhim ahamiyatga ega qarorlarni qabul qilishda jamoatchilik ishtiroki shartligini ta’minlovchi samarali mexanizmni yaratish; atrof muhitga ta’siri bo‘yicha I va II toifaga kiruvchi (yuqori va o‘rta darajadagi xavf-xatar) qayd qilingan faoliyat turlarida davlat ekologik ekspertizasini o‘tkazishdan oldin ularning atrof muhitga ta’sirini baholash loyihalari bo‘yicha jamoatchilik eshitishlarini va jamoat ekologik ekspertizasini o‘tkazish mexanizmini yaratish; atrof muhitni muhofaza qilish jamoat inspektorlari institutini takomillashtirishni ta’minlash.	2021-yil 1-dekabr	—	Davlat ekologiya qo‘mitasi, O‘zbekiston ekologik partiyasi, aloqador vazirliklar va idoralar	Atrof muhitni muhofaza qilish bilan bog‘liq masalalarni hal qilishga fuqarolik jamiyatining jalb etilishini ta’minlash.
32.	Ekologik ta’lim va kadrlar tayyorlash tizimini takomillashtirish.	Jumladan, quyidagilarni nazarda tutuvchi normativ va normativ-huquqiy hujjatlarni ishlab chiqish va qabul qilish: ekologiya, atrof muhitni muhofaza qilish va barqaror rivojlantirish masalalarini ta’limning barcha bosqichidagi o‘quv dasturlariga joriy etish; ekologik muammolarni va tabiatdan to‘g‘ri foydalanish zaruratini yanada chuqur anglab yetishga yordam beruvchi ekologiya bo‘yicha yangi umumta’lim va maxsus o‘quv rejalari (dasturlari)ni joriy etish va mavjudlarini yaxshilash; ta’lim tizimining barcha bosqichlari uchun ekologiya sohasida mutaxassislar tayyorlashni, shuningdek, kadrlarni qayta tayyorlash va malakasini oshirishni ta’minlash; atrof muhitni muhofaza qilish sohasidagi uzluksiz ta’lim jarayonida ishtirok etuvchi pedagog kadrlarning malakasini oshirish tizimini takomillashtirish.	2021-yil 1-dekabr	Davlat budjeti (har yili ajratiladigan mablag‘lar doirasida), vazirliklar va idoralarning mablag‘lari, xalqaro tashkilotlar va moliya institutlarining grantlari	Davlat ekologiya qo‘mitasi, aloqador vazirliklar va idoralar	Aholining ekologik ta’limini, shuningdek, atrof muhitni muhofaza qilish sohasida kadrlar salohiyatini yaxshilash.