Маълумотлар омбори ва уни бошкариш тизими хакида умумий тушунчалар

8.4. MS SQL Server
MS SQL Server MBBT Microsoft firmasi maxsuloti.
SHu kunga qadar MS SQL Server-2000, MS SQL Server-2005, MS SQL Server-2008 versiyalari yaratilgan.
MS SQL Server-2008 ga XML tili, HTTP protokolini qo`llash kiritilgan. Mobil aloqa va mobil texnikalarining geometrik progressiya bo`yicha rivojlanishi, web texnologiyalarining rivojlanishi, internetga mobil aloqa orqali kirishning taraqqiy etishi, .NET texnologiya, .NET Framefork va Visual Studio ning .NET bo`yicha ishlashi vujudga kelishi natijasida MBBT larni ham qayta ko`rib chiqishni taqoza qildi. Ushbu sohalardagi taraqqiyot imkoniyatlari MS SQL Server da o`z in`okisini topgan. MS SQL Server ham katta hajmli MB bilan ishlashga, yaxshi himoya vositalariga, keng imkoniyatlarga va minglab foydalanuvchilarga bir vaqtning o`zida xizmat qilish quvvatiga hamda har qanday web xizmatlarni qo`llash imkoniga ega.
MS SQL Server ham xuddi Oracle MBBT singari, bir biri bilan bog`langan hamda har biri qisman mustaqil bo`lgan, bir necha yirik dasturiy majmualar birlashmasidan tashkil topgan. Har bir dasturiy majmua qaysidir sohaga tegishli ishlarni bajarish uchun o`z xizmatlarini tavsiya qiladi. MS SQL Server ham Oracle singari xizmatlarni va MBBT ning eng yuqori ish jarayonini taklif qiladi.
MS SQL Server da ham ANSI SQL standartiga muvofiq keluvchi SQL tili qo`llaniladi. Dasturiy majmua tarkibida Transact-SQL (T-SQL) interektiv interpretator mavjud.
MS SQL Server Microsoft Office bilan chambarchas bog`langan bo`lib, ma`lumotlarni MS Excel i MS Word interfeyslariga chiqarish va bu interfeyslardan MB ga ma`lumot kiritish imkoniyatlari mavjud.
Xizmatlar bozorida MS SQL Server Oracle bilan raqobatlasha oladigan MBBT hisoblanadi. Ammo, shu soha mutaxassislarining fikriga ko`ra MS SQL Server da himoyalanish darajasi Oracle ga nisbatan bir oz bo`shroq hisoblanadi. MS SQL Server muhiti administratori ish jarayoni Oracle ga nisbatan bir oz soddaroq. Bu uning katta yutug`i hisoblanadi. MS SQL Server dasturchilar uchun qulay muhitni tashkil qilib beradi va unda web xizmatlarga muvofiq ma`lumotlar bilan ishlash imkoniyatlari mavjud.