Маълумотлар омбори ва уни бошкариш тизими хакида умумий тушунчалар

Fanni o`qitishdan maqsad – talabalarda MB ni asosiy modellarini tashkil etish, MBBT lari, MB ni loyihalash usullari va tamoyillari, ma`lumotlar banki va bazalarini tashkil qilish yo`llari, MBBT larida MB ni tashkil qilish tamoyillari, MB ni loyihalash yo`llari va uslublarini o`rgatish bo`yicha yo`nalish profiliga mos bilim, ko`nikma va malaka shakllantirishdir.
Fanning vazifasi – talabalarga MBBT dan foydalanish, funktsional tarkibi, ma`lumotlarni tavsiflash modellari, MB ni yaratishning nazariy asoslarini, instrumental vositalarni o`rganish hamda keng tarqalgan MBBT larining hususiyatlarini o`rgatishdan iborat.
Fan bo`yicha talabalarning bilimiga, ko`nikma va malakasiga qo`yiladigan talablar. ‘Ma’lumotlar bazasini boshqarish tizimlari’ o`quv fanini o`zlashtirish jarayonida amalga oshiriladigan masalalar doirasida bakalavr:

• 
  ma`lumotlar banki va bazasi haqida umumiy tushunchalar va ularni yaratish usullarini tashkil etish; ma`lumotlar banki va bazasining asosiy kontseptsiyalari hamda ularning tahlili; MB ni loyihalashtirish va ularni loyihalashtirish printsiplarini tashkil etishning nazariy asoslari va ularning tahlili haqidagi tushunchalarni bilishi kerak;
  
• 
  talaba ma`lumotlar modellarini yaratish va ularni tadbiq etish yo`llari; MBBT larini nazariy asoslari va ularning tahlili; MB ning me`yoriy shakllari va bazani me`yorlashtirishni to`g`ri aniqlash ko`nikmalariga ega bo`lishi kerak;
  
• 
  talaba so`rovlarni tashkil qilish hamda ularni tadbiq etish yo`llari; amaliyotdan kelib chiqib, texnik va dasturiy vositalardan foydalanib MB ni yaratish texnologiyalarini loyihalash malakalariga ega bo`lishi kerak.
  

Fanning o`quv rejadagi boshqa fanlar bilan o`zaro bog`liqligi va uslubiy jihatdan uzviy ketma-ketligi. ‘Ma’lumotlar bazasini boshqarish tizimlari’ fani umumkasbiy fani hisoblanib, fanni o`zlashtirish uchun talabadan o`quv rejasida rejalashtirilgan matematik va tabiiy-ilmiy (informatika va axborot texnologiyalari), umumkasbiy (dasturlash texnologiyasi; ma`lumotlar tuzilmasi va algoritmlari) fanlaridan etarli bilim va ko`nikmalarga ega bo`lishlik talab etiladi.