Ma’lumotlar bazasini boshqarish tizimini tashkil etuvchilari

SQL tilining SELECT operatori parametrlari. (24 va 34-savollarga qarang)

Ma’lumotlarni administratsiyalash.


MBni administratsiyalashtirish shundan iboratki, u foydalanuvchilarga ma’lumotlar bazasi imkoniyatlaridan foydalanish, ma’lumotlarning to‘laligini ta’minlash va ko‘p foydalanuvchilar ilovalarini yaratish huquqini beradi. Ma’lumotlar bazasi administrator quyidagi hollarda jadvallardan foydalanishi mumkin:

• 
  ma’lumotlar bazasi obyektlari xotirasini taqsimlashni boshqarishda;
  
• 
  ma’lumotlar bazasi foydalanuvchilari uchun xotira kvotalarini o‘rnatishda;
  
• 
  ma’lumotlarga kirishni boshqarishda online yoki offline holatlarni hisobga olgan holda;
  
• 
  ma’lumotlarni nusxalash va qayta tiklashda;
  
• 
  ishlab chiqarishni ko‘paytirish uchun ma’lumotlarni uskunalarga taqsimlashda. Ma’lumotlar bazasini administratsiyalashtirish - bu uni initsializatsiyalash (o‘rnatilishi), unga kirishni boshqarish, ma’lumotlar bazasi butunligini ta’minlash va hokazo. Kompyuterda ma’lumotlar bazasini tashkil qilish – kompyuterga o‘rnatiladigan va yagona ma’lumotlar bazasi sifatida foydalaniladigan bir yoki bir nechta ma’lumotlar faylini tayyorlashdan iboratdir. Qancha fayldan iborat bo’lishidan va undan necha marotaba foydalanishdan qat’iy nazar ma’lumotlar bazasi bir marotaba tuziladi. Agar mavjud bo’lgan ma’lumotlar bazasida ma’lumotlar o‘chirilsa, ma’lumotlar bazasini yaratish protsedurasidan foydalanish mumkin. Bunda shu nom va fizik struktura bilan yangi ma’lumotlar bazasi tuziladi.
  

Ma’lumotlar bazasi quyidagi operatsiyalarni o‘z ichiga oladi:

• 
  yangi ma’lumotlar fayllarini yaratish yoki oldingi fayllaridagi ma’lumotlarni o‘chirish;
  
• 
  ma’lumotlar bazasi bilan ishlashga va unga kirishga kerak bo‘lgan strukturalarni yaratish;
  
• 
  boshqaruvchi fayllarni va ma’lumotlar bazasi jurnalini initsializatsiyalash.
  

Yaratiladigan jurnal odatda kirish haqida batafsil ma’lumotga ega bo’ladi, shu jumladan

quyidagilarni o‘z ichiga olgan holda:

• 
  ma’lumotlar bazasi fayllariga kirgan normalar;
  
• 
  kirish ma’lumotlari va shu bilan bog‘liq bo‘lgan jadvallarning aniqlanishi;
  
• 
  MBning xatolari va ishlash natijalari;
  
• 
  natija statistikasi.
  

Ma’lumotlar bazasini yaratishdan oldin quyidagilar kerak:

• 
  indeks va jadvallarni rejalashtirish va ularga kerakli bo‘lgan hajmlarni baholash;
  
• 
  ma’lumotlar bazasi himoyasini va uning jurnallari konfiguratsiyasini, egallaydigan hajmini va zahira ko‘chirmalarini rejalashtirish.
  

Ma’lumotlar bazasi operatori ma’lumotlar bazasini ishga tushirishni va ishdan to‘xtatishni

amalga oshiradi.

Ma’lumotlar bazasi foydalanuvchilari uch asosiy kotegoriyaga ajratiladi: yaratuvchilar, administratorlar va foydalanuvchilar.

Yaratuvchilarning vazifasiga quyidagilar kiradi:

• 
  ma’lumotlar bazasini loyihalashtirish va yaratish;
  
• 
  ma’lumotlar bazasi strukturasini (tuzilishini) belgilangan talablarga muvofiq loyihalashtirish;
  
• 
  xotira hajmi talablarini baholash;
  
• 
  ma’lumotlar bazasi tuzilishining modifikatsiyasini yaratish;
  
• 
  ma’lumotlar bazasidan foydalanish va yaratish jarayonida uning himoya choralarini
  

o‘rnatish va hokazo.

Ma’lumot bazalarini administratsiyalashtirish shu tizimning boshqaruvchisi tomonidan amalga oshiriladi. Bu shaxs ma’lumotlar bazasi administratori deb ataladi. Agar ma’lumotlar bazasi katta bo’lsa, bu majburiyatlarni bir nechta odamlar (guruh) – ma’lumotlar bazasi (MB) administratorlari bajarishi mumkin. Administrator majburiyatlariga quyidagilar kiradi:

• 
  MBni o‘rnatish va MBBT versiyalarini yangilash;
  
• 
  diskli xotirani taqsimlash va tizimni xotiraga bo‘lgan talablarini rejalashtirish;
  
• 
  ma’lumotlar bazasida xotira strukturasini yaratish (jadvaliy kenglik);
  
• 
  birlamchi obyektlar yaratish (jadvallar, indekslar);
  
• 
  ma’lumotlar bazasi strukurasini modifikasiyalash;
  
• 
  ma’lumotlar bazasini ishlab chiqishni nazorat qilish va optimallashtirish;
  
• 
  litsenziyalangan kelishuvlarga amal qilish;
  
• 
  foydalanuvchilarni hisobga olish va tizim himoyasini qo‘llab-quvvatlash;
  
• 
  foydalanuvchilarning ma’lumotlar bazasiga kirishini boshqarish va nazorat qilish;
  
• 
  zahira nusxalash va qayta tiklashni rejalashtirish;
  
• 
  axborotni saqlash qurilmalaridagi arxiv ma’lumotlarini qo‘llab-quvvatlash;
  
• 
  zahiraviy nusxalash va qayta tiklashni bajarish.
  

Ayrim hollarda ma’lumotlar bazasi bitta yoki bir nechta xavfsizlik xodimlariga ega bo‘lishlari kerak, ya’ni asosan yangi foydalanuvchilarni ro‘yxatga olishga javob beradi, foydalanuvchilarning ma’lumotlar bazasiga kirishini boshqaradi va nazorat qiladi hamda ma’lumotlar bazasini himoya qiladi.

21.