Мактабгача таьлим муассасалари тарбияланувчиларининг ақлий тафаккурини шакиллантиришда инноватцион технологияларнинг ўрни

МАКТАБГАЧА ТАЪЛИМ МУАССАСАЛАРИДА ЖИСМОНИЙ
ТАРБИЯ МАШҒУЛОТЛАРИ МОНИТОРИНГИНИ ОЛИБ БОРИШ
АҲАМИЯТИ ХУСУСИДА 
 
СОЛИЕВА Д.А., ЎзДЖТИ 
 
Кириш. Ўсиб келаѐтган ѐш авлодни ҳар томонлама баркамол тарбиялаш барча таълим муассасаларида 
амалга оширилади ва ҳар бир таълим босқичида муайян мақсад ва вазифалар ҳал этилади. Болаларни мунтазам 
спорт машғулотларига жалб қилишда мактабгача таълим муассасаси (МТМ) ходимлари ва ота-оналарнинг 
ҳамкорликдаги иш фаолияти муҳим аҳамият касб этади. Тарбияланувчилар билан олиб бориладиган 
машғулотларнинг янгича восита ва услубларини ишлаб чиқиш ҳамда амалиѐтга жорий этиш тақозо қилинади. 
Айнан шу ѐш даврида болаларнинг фаол ҳаракатларга бўлган эҳтиѐжи юқори бўлиб, улар билан олиб 
бориладиган жисмоний тарбия машғулотларининг тўғри ташкил қилиниши катта аҳамиятга эга.
Ишнинг долзарблиги. МТМ тарбияланувчиларининг жисмоний имкониятларини ривожлантириш, 
ҳаракат малакаларини такомиллаштириш, спорт турларига бўлган қобилиятларини аниқлаш ва кейинги таълим 
босқичларида юқори даражадаги жисмоний қобилиятларни сақлаб қолиш катта аҳамиятга эга. Шу мақсадда 
МТМларда жисмоний тарбия йўриқчилари томонидан яхлит бир мониторинг йўлга қўйилмаганлиги ўқув йили 
давомида болаларнинг жисмоний сифатлари ва спортга лаѐқатини аниқлашга имкон бермайди. Болаларни 
спорт машғулотларига йўналтириш мақсадида МТМ, мураббийлар ва ота-оналарнинг ҳамкорликдаги 
фаолиятлари, шунингдек, МТМ даги жисмоний тарбия машғулотлари мониторинги маълумотлари катта 
аҳамиятга эга. Спортга бошланғич саралаш қонуниятларидан келиб чиқиб, айнан шу ѐш даврида спортга 
йўналтириш, иқтидорни аниқлаш ўта муҳим муаммолардан ҳисобланади ва бу тадқиқот мавзусининг 
долзарблигини белгилаб беради.
Тадқиқотнинг объекти. Тошкент шаҳри, Чилонзор туман 475-сонли МТМ тарбияланувчилари.
Тадқиқотнинг усуллари: педагогик кузатувлар, жисмоний қобилиятларни аниқлаш учун тест 
синовлари.