Maktabgacha muassasalar xodimlarini qayta tayyorlash va malakasini oshirish respublika

2-mashg’ulot

Mavzu: “Terak bilan Majnuntol” rivoyati asosida asarni qayta hikoya qilishga o’rgatish

Maqsad:

Badiiy asarni qayta hikoya qilish malakasini oshirish.

Vazifalar:

Bog’langan nutqni rivojlantirish.So’zlayotganda to’g’ri nafas olishni rivojlantirish.Fe’llarga sinonim so’zlar topish.Ovoz kuchini past-baland qilib o’zgartira olishni shakllantirish, ohang vositalaridan to’g’ri foydalanishga o’rgatish.

Kutilayotgan natijalar:

Bolalarning bog’langan nutqi rivojlanadi.

Bolalar ohang vositalaridan to’g’ri foydalanishni o’rganadilar.

Kerakli jihozlar:

Majnuntol va terak daraxtlarining surati

Qog’oz varag’i va rangli qalamlar

Mashg’ulotning borishi

Tarbiyachi: Qanday daraxtlarni bilasiz?

Mevali daraxtlarga qaysi daraxtlar kiradi?

Mevasiz daraxtlarning qanday foydasi bor?

Tarbiyachi terak va majnuntol daraxtlarining suratini doskaga iladi.

- Bolajonlar, bular qanday daraxtlar? (Majnuntol va terak). Kunlardan bir kuni terak bilan majnuntol suhbatlashib qolishibdi. Ular nima haqida suhbatlashganliklarini hozir men sizlarga o’qib beraman. (Tarbiyachi rivoyatni ifodali qilib o’qib beradi).

Rivoyat bo’yicha savollar beradi:

1. Terak majnuntolga nima dedi?

2. “Savlatim” deganda nimani tushunasiz?

3. Majnuntol nima deb javob berdi?

4. “Kibrhavo bilan osmonga intilasiz” deganini qanday

tushunasiz?

5. Terak majnuntolga qanday ohangda gapiradi? Kim

aytib beradi?

6. Majnuntol terakka qanday ohangda gapiradi? Kim

aytib beradi?

Tarbiyachi rivoyatni yana bir marta ifodali qilib o’qib beradi. So’ngra besh-olti bola hikoya qiladi. Asarni qismlarga bo’lib hikoya qildirish mumkin.