Maktabgacha muassasalar xodimlarini qayta tayyorlash va malakasini oshirish respublika

Mavzu: Ijodiy hikoya tuzish: “Tanlangan o’yinchoqlar bo’yicha hikoya tuzish”

Maqsad:

O’yinchoqlardan foydalangan holda mazmunli hikoya tuzishga o’rgatish.

Vazifalar:

Bolalarning so’zlashuv nutqini rivojlantirish.Tovushlarni so’zlarda aniq aytish.Bolalarni “b-p” tovushlarini eshitib farqlashga o’rgatish. Bu tovushlarni alohida va so’zlarda aniq, to’g’ri talaffuzini aniqlash va mustahkamlash.

Kutilayotgan natijalar:

Bolalarning so’zlashuv nutqi rivojlanadi.

Bolalar 2-3 so’zdan iborat gapni mustaqil o’ylab tuzishni o’rganadilar.

Kerakli jihozlar:

O’yinchoqlar: qo’g’irchoq, quyoncha, jo’ja, tovuq, xo’roz, jo’ja, tuxum suratlari yopishtirilgan kub

Mashg’ulotning borishi.

Tarbiyachi bolalar diqqatini stol ustidagi o’yinchoqlarga qaratadi. Har bir o’yinchoq haqida savollar beradi: qo’g’irchoq qanday? (tashqi ko’rinishi tasvirlanadi). Tovuq qanday? Jo’ja qanday? Hozir mana shu o’yinchoqlardan foydalanib (qo’g’irchoq haqida) hikoya tuzasiz. Boshida qizcha (qo’g’irchoq) qayerga borganligi, nimalarni uchratganligi, keyin nimalar bo’lganligi haqida hikoya qilasiz. Hikoya qilayotganingizda o’sha o’yinchoqlarni qo’lingizga olib, ular haqida nima o’ylayotganligingizni aytasiz.

Agar bolalar hikoya tuzishga qiynalsalar, tarbiyachi yordam beradi. Masalan: Qizcha buvisinikiga mehmonga bordi. Buvisining hovlisida o’ynab yurgan edi, birdan tovuq jo’jalari bilan yurganini ko’rib qoldi. Sariq jo’jacha qizchaga yoqib qoldi. Keyin uni ko’tarib, silab, erkaladi. Jo’jacha ham erkalanib “Chi- chi” deb chiyilladi. Kechqurun qizcha uyiga ketayotganida buvisi sariq jo’jachani unga sovg’a qildi. Qizcha uyiga xursand bo’lib keldi va jo’jachani parvarish qila boshladi (2-3 bola hikoya qilgandan so’ng ularning hikoyalari baholanadi).