Maktabgacha muassasalar xodimlarini qayta tayyorlash va malakasini oshirish respublika

6-mashg’ulot

Mavzu Shaxsiy hayotdan hikoya tuzish. “Tug’ilgan kun"

Maqsad:

Tarbiyachi taklif etgan mavzu bo’yicha o’z shaxsiy hayotidan qisqa hikoya tuzishga o’rganish.

Vazifalar:

So’zlashuv nutqini shakllantirish. So’zlarni aniq va burro aytish.

So’zlayotganda to’g’ri nafas olishni rivojlantirish. Nutqning ifodaliligini tarbiyalash.Ot, sifat, fe’lga sinonim so’zlar topishni mashq qilish

So’zlarni bo’g’inlarga bo’lishni mashq qilish

Kutilayotgan natijalar:

Bolalarning so’zlashuv nutqi rivojlanadi.

Bolalarda o’z fikrini nutqda ifodalash ko’nikma hamda malakalari shakllanadi. So’zlarni bo’g’inlarga bo’lishga o’rganadilar.

Kerakli jihozlar:

O’yinchoq, idish, hayvon, parrandalar suratlari

Mashg’ulotning borishi

Bolalar, bugun biz eng quvonchli kun haqida suhbatlashamiz. Qani bir eslangchi, yaqinda guruhimizda kimniig tug’ilgan kuni bo’lib o’tdi. To’g’ri, Azizaning tug’ilgan kuni bo’lgan edi. Shu kuni quvnoq musiqa yangradi. Biz Aziza uchun she’r, qo’shiq, raqslar ijro etdik, Azizaga rasmli kitobcha sovg’a qilgan edik. Shu kuni hammamiz xursand bo’lib, uyga bayram ruhida ketdik.

Biz hozir "Tug’ilgan kunda" mavzusida hikoya tuzishga o’rganamiz. Qani bir eslang-chi, sizning ham tug’ilgan kuningizni uyda nishonlashganmi?

Kimlar kelgan? Nima sovg’a qilishgan? Qanday qiziqarli voqealar bo’lgan yoki siz o’rtog’ingizni tug’ilgan kuniga borgandirsiz. Kim bilan bordingiz. Qanday sovg’a olib borgansiz?

Shu kun qanday qiziqarli voqealar bilan tugadi?

Bolalar hikoya qilishda qiynalsalar tarbiyachi hikoya namunasini beradi.

Bir kun oyim meni yuvib-tarab, yangi ko’ylak kiygazdilar. Shahlo o’rtog’ingni tug’ilgan kuniga boramiz dedilar. Men juda xursand bo’lib ketdim. Biz mehmonga bordik. Men sovg’ani Shahloga berdim. Biz Shahlo bilan oldin quvlashmachoq o’ynadik. Keyin xola-xola o’ynadik. Kechqurun mehmondan uyimizga qaytib keldik. Tarbiyachi namunasidan so’ng 3 — 4 bola hikoyasi tinglanadi. Hikoya qilishda qiynalganlarga yordam berish bilan yondoshadi.