Maktabgacha muassasalar xodimlarini qayta tayyorlash va malakasini oshirish respublika

Kutilayotgan natijalar:

Rasmlar asosida gap tuzishga o’rganadilar.

Grammatik jihatdan to’g’ri so’zlashga intiladi

Kerakli jihozlar:

Turli mavzularda rasmlar

Mashg’ulotning borishi. Tarbiyachi: Bugun bolalar, siz bilan “Ch” tovushi ishtirok etgan rasmlarni ko’ramiz, ular haqida gap tuzamiz.

-Bu nima? (chana)

-Men chana haqida gap tuzdim. “Men ukamni chanada uchirdim.”

-Siz chana haqida qanday gap tuzgan bo’lar edingiz?

(Bolalar javoblari: menda katta chana bor; chana uchdik; chana rasmini chizdim.)

-Barakalla, bolalar, hozir men sizga rasmlar tarqataman. Siz rasmga qarab gap tuzasiz. Tuzgan gapingizda “Ch” tovushi ko’proq uchrashiga harakat qiling.

Tarbiyachi: - Zuhriddin, senda qanday rasm bor, nomla.

Zuhriddin:-menda choynak rasmi bor.

Tarbiyachi: choynak so’zida “Ch” tovushi so’zning qaerida kelyapti?

Zuhriddin : choynak so’zida Ch” tovushi so’zning boshida kelyapti.

Tarbiyachi: choynak so’zini bo’g’inga bo’l.

Zuhriddin: choy-nak

Tarbiyachi:- choy-nak so’zi necha bo’g’in ekan?

Zuhriddin: choy-nak so’zi ikki bo’g’in ekan

Tarbiyachi:- choynak haqida qanday gap tuzding?

Zuhriddin: - choynakda choy bor.

Tarbiyachi: tuzgan gapingda nechta so’z bor?

Zuhriddin: - uchta

Tarbiyachi: -qanday so’zlar?

Zuhriddin: - “choynakda”, “choy”, “bor”

Tarbiyachi: -to’g’ri, Zuhriddin uch so’zdan iborat gap tuzdi. Choynakda choy bor. Gapda “Choynak” birinchi so’z, “choy” ikkinchi so’z, “bor” uchinchi so’z.

Tarbiyachi shu tariqa bolalardan “Ch” tovushi ishtirok etgan so’zlardan gap tuzishlarini so’raydi. Bolalarning so’zdagi tovushlarni to’g’ri talaffuz qilishlariga, tuzilgan gapda so’zlarning bog’lanishiga e’tibor beradi. Mashg’ulot davomida albatta jismoniy daqiqa o’tilishi lozim.