Maktabgacha muassasalar xodimlarini qayta tayyorlash va malakasini oshirish respublika

Kutilayotgan natijalar:

Bolalarning so’zlashuv nutqi rivojlanadi.

Bolalarda o’z fikrini nutqda ifodalash ko’nikma hamda malakalari shakllanadi. So’zlarni bo’g’inlarga bo’lishga o’rganadilar.

Kerakli jihozlar:

Hayvonlar tasviri

Mashg’ulotning borishi

Tarbiyachi: Bolalar, eng kuchli hayvon qaysi hayvon deb o’ylaysiz?

Fil o’zini eng kuchli, eng ko’p ovqat eydigan deb o’ylar ekan. Lekin kunlardan bir kuni u xo’roz bilan uchrashib qolibdi. O’sha-o’sha u o’z fikridan qaytibdi. Nima uchun deysizmi? Hozir men sizlarga “Fil bilan Xo’roz” ertagini o’qib beraman. Shundan so’ng siz ham filning fikriga qo’shilasiz (tarbiyachi ertakni o’qib beradi).

Ertak bo’yicha savollar:

1. Ertak qanday boshlanadi?

2. Xo’roz fil oldiga kelib nima qilibdi?

3. Fil xo’rozga nima debdi?

4. Kim ovqatni ko’p ebdi?

5. Fil nima deb hayron bo’libdi?

6. Garovda yutgan xo’roz nima qilibdi?

(Savol-javobdan so’ng 5-6 nafar bolaning javoblari tinglanadi).

Tetiklashtiruvchi mashq

Xo’roz bo’lib yurish, qanotlarni qoqish, ovoziga taqlid qilish.

Grammatik mashq

Bolalar: “Buncha chiranadi?” Bu gapni yana qanday aytish mumkin? (Buncha maqtanadi? Buncha keriladi?)

“Maqtamoq” so’ziga qarama-qarshi so’z toping (yomonlamoq). “Men zo’rman”. Bu gapni yana qanday qilib aytish mumkin? (botirman, jasurman, mardman, qo’rqoq emasman).