Мактабга тайёрлов гурущида йил давомида ытказиладиган математика маш\улотларининг та=симланиши

Билимларни мустаҳкамлаш учун ўйин: “Байроқчага қараб юр”
Бу ўйин болаларнинг хотирасини, диққатини ривожлантиради. Болаларнинг фазовий тасаввурларини мустаҳкамлайди.
Тарбиячи Фаолият бошланишидан олдин хонанинг турли жойларига байроқчалар қўйиб чиқади. Качал полвон ёки бошқа эртак қаҳрамони тарбиячи ёрдамида болаларга топшириқ беради: “Шкафгача бориб, чапга 6 қадам юр ва олтибурчак шаклидаги байроқчани ол”, бола топшириқни бажариб байроқчани топади. Болалар бундай топшириқларни осонгина бажарсалар, топшириқлар мураккаблаштирилади. Масалан: “8 қадам олдинга юр, ўнгга бурил, 4 қадам юр, чапга бурил. У ерда учбурчак шаклидаги байроқчани топасан”. Ўйин бир неча марта такрорланади.


Болалар билимини текшириш ва мустаҳкамлаш учун саволлар:
1. Харита билан ҳаракатланиш осон бўлдими ёки айтиб турилган
топшириқ асосида ҳаракатланишми?
2. Харита асосида маррага етиш учун нечта жойдан ўтдингиз?
3. Чап қўлингизни баландга кўтаринг, ўйин давомида неча марта
чапга юрганлигингизни эслай оласизми?
4. Ўнг қўлингизни баландга кўтаринг, ўйин давомида неча марта ўнг
томонга юрганлигингизни эслай оласизми?
Фаолият якунида болаларни рағбатлантириш.


Вақт ҳақида тасаввур
Мавзу: Соат ва ундан ярим соат аниқликда фойдаланишга ўргатиш
Мақсад:
Болаларга соатдан тўғри фойдаланишни ўргатиш.
Кутилаётган натижалар:
Болалар соатдан ярим соат аниқликда фойдаланишни ўрганиб оладилар.
Керакли жиҳозлар:
Соат
Соат тасвири, узун-калта кўрсатгич


Фаолиятнинг бориши:
Тарбиячи: Болажонлар, ўтган Фаолиятларимизда соатнинг тузилиши ва унинг ишлатилишини ўрганган эдик. Эсингиздами, Лолахон қандай қилиб соатни ўрганиб олгани? Лолахон бувисиникидан ўз уйларига қайтиб келибди ва дадаси, ойиси ва укаларига бувисиникида бўлган воқеаларни айтиб берибди, оиласидагилар ҳам Лолахоннинг соатни ўрганиб олганини эшитиб роса хурсанд бўлишибди. Энди Лолахон билганларини укаларига ўргатибди. У соатдан ярим соат аниқликда фойдаланишни ҳам ўрганиб олибди. Қандай қилиб дейсизми? Соатни мана бу катта кўрсатгичи 12 да турибди. Шу ерда рақамнинг охири жойлашган. Энди катта кўрсаткичини рақамларнинг ўрта қисми 6 га олиб келиб қўямиз. 6 рақамларнинг ярмида турибди. Катта кўрсаткич 6 да турганида кичкина кўрсаткич ҳам 2 та рақамнинг ўртасида яъни ярмида туради-бу ярим дегани. Масалан, кичик кўрсаткич 4 билан 5 нинг ўртасида турса соат ”тўрт ярим” бўлган бўлади. (Тарбиячи, шу тарзда тушунтиришни давом эттиради)