Мактабга тайёрлов гурущида йил давомида ытказиладиган математика маш\улотларининг та=симланиши

Мавзу: Геометрик шаклларни турли белгилари: кўриниши, ўлчами, рангига кўра гуруҳларга ажратиш
Мақсад:
Болаларга геометрик шакллар турли кўринишда, ўлчамда рангда бўлиши, уларнинг шаклини ўзгартирмаслиги ҳақида тушунча бериш.
Болаларни мустақил тарзда топшириқларни бажара олишга одатлантириш.
Кутилаётган натижалар:
Болалар геометрик шакллар турли кўринишда, ўлчамда рангда бўлиши уларнинг шаклини ўзгартирмаслигини билиб оладилар.
Болаларда топшириқларни мустақил тарзда бажариш кўникмаси шаклланади.
Керакли жиҳозлар:
Турли катталикдаги геометрик шакллар
Таёқчалар.

Фаолиятнинг бориши:

Тарбиячи турли ўлчамдаги ва турли рангдаги доира, квадрат, учбурчак, ромб, бешбурчак, саккизбурчак, овалларни саноқ доскасига териб чиқади.

Тарбиячи: Болажонлар, доскада турли геометрик шакллар жойлашган. Уларнинг катталиги ва ранги ҳар-хил. Мана бу катта доира қизил рангда, буниси эса кичик доира сариқ рангда. Улар бир-бирига ўхшайдими? Тўғри улар бир-бирига ўхшайди фақат бири кичик, иккинчиси катта, яна уларнинг ранги ҳар хил.
Тарбиячи ҳар бир шаклни қиёслаб, уларни турли ўлчамда бўлиши ҳақида тушунча беради.


Болалар учун амалий иш.


Тарбиячи болаларга олдиларидаги қутидан энг катта ромб шаклини олиб олдиларига қўйишларини айтади. Шу ромб ичига яна бироз кичикроқ яна ундан кичикроқ ва ниҳоят энг кичик ромбни устма-уст қилиб қўйишларини айтади. Болалар уларни таққослаб чиқадилар ва ўз фикрларини билдирадилар.
Ҳар бир столга турли геометрик шакллар тўплами қўйилади. Тарбиячи геометрик шаклларни турли белгиларига кўра йиғишни айтиб туради, болалар бажарадилар.
Масалан, энг катта яшил рангдаги ромбларни йиғинг.
- Турли рангдаги энг кичик бешбурчакларнинг ҳаммасини йиғинг.
- Сариқ рангдаги ҳамма геометрик шаклларни йиғинг.
- Яшил рангдаги доираларнинг ҳаммасини йиғинг.
- Оқ рангдаги кўпбурчакларнинг ҳаммасини йиғинг.
Болалар топшириқни бажарганларидан кейин, тарбиячи қандай бажарганликларини кўриб чиқади.

Билимларни мустаҳкамлаш учун ўйин: “Шакл яса”

Болалар 3 гуруҳга бўлиниб 3 жойда турадилар. 1-гуруҳга 18 та таёқча, 2-гуруҳга 12 та таёқча, 3-гуруҳга 6 та таёқча берилади. Ҳар бир гуруҳ тарбиячининг буйруғидан сўнг олдидаги таёқчалардан олти бурчак шаклини ясайди. Натижада уч хил катта-кичик шакллар пайдо бўлади. Болаларни тўғри ёки нотўғри бажарганликлари текшириб чиқилади. Гуруҳлар ўрни ўзгартирилиб ўйин яна шу шарт билан давом этади.