Мактабга тайёрлов гурущида йил давомида ытказиладиган математика маш\улотларининг та=симланиши

Болалар учун амалий иш.


Тарбиячи: Олдинги Фаолиятимизда ясаган соатларимиз ёрдамида «Мен соат неча бўлганини биламан» ўйинини ўйнаймиз. Мен сизларга топшириқ бераман, «соат 2 бўлди» десам, сизлар соат кўрсаткичларини 2 га тўғрлайсизлар. Бунда калта кўрсаткич 2 ни, узун кўрсаткич 12 ни кўрсатиб туриши керак.
Ўйин шу тарзда давом этади, тарбиячи неча бўлганини айтади, болалар соат кўрсаткичларини тўғрилайдилар.


Билимларни мустаҳкамлаш учун ўйин: «Соат»
Тарбиячи катта доира чизади ва унга рақамларни соат бўйича жойлаштиради. Доиранинг ўртасида бир бола туради ва 2 та узун ва калтароқ арқоннинг учини ушлаб туради, арқонларнинг 2-учини доира атрофида турган болалардан 2 таси ушлайди. Ҳамма болалар ва тарбиячи доира атрофида турадилар. Болалар доира атрофида соат йўналишида юрадилар, тарбиячи «тўхтадик», деганда юришдан тўхтайдилар. «Соат кўрсаткичи» қўлида бўлган болалар қайси рақам тўғрисида тўхтаса болалар соат неча бўлганини айтадилар. Агар болалар тўғри жавобни айтишга қийналсалар тарбиячи уларга ёрдам беради.


Болалар билимини аниқлаш ва мустаҳкамлаш учун саволлар:
1. Соатда қайси рақамлар ёзилган?
2. Агар соат 7 бўлса, кўрсаткич қандай туради?
3. Соат 10 бўлганини кўрсатиб бер.
4. Ҳозир соат неча бўлди?
Тарбиячи Фаолият давомида ва якунида болаларни ширин сўзлар билан рағбатлантиради.
Сон ва саноқ
Мавзу: 20 гача бўлган сонлар билан таништириш ва тартиб билан санашга ўргатиш
Мақсад:
Болаларга 20 гача санашни ўргатиш.
Кутилаётган натижалар:
Болалар 20 сони ичида тартиб билан санашни ўрганадилар.
Керакли жиҳозлар:
Китоблар -20 та
Копток
Рақамлар ёзилган ва баъзи рақамлар тушириб қолдирилган жадваллар


Фаолиятнинг бориши:
Тарбиячи: Болажонлар, сизлар билан нечагача санашни ўрганган эдик?
Болалар: 15 гача
Тарбиячи: Тўғри, болажонлар, биз 15 гача санашни ўрганиб олганмиз. Бугун сизлар билан 20 гача санашни ўрганамиз. Болажонлар, эътибор берган бўлсангиз менинг столимга кўп китоблар қўйилган. Ҳозир биргаликда санаб кўрамиз, нечта китоб бор экан?
1, 2, 3, 4, 5, 6, 7, 8, 9, 10, 11, 12, 13, 14, 15 та китоб бор экан.
15 та китобга яна битта китоб қўшсак, 16 та бўлади.
Ҳаммамиз биргаликда айтамиз, 15 та китобга яна битта китоб қўшсак 16 та бўлади. 16 та китобга яна битта китоб қўшсак 17 та бўлади. 16 та китобга яна битта китоб қўшсак нечта бўлар экан? Тўғри, 17 та бўлар экан. 17 та китобга битта китоб қўшсак, китобларимиз сони 18 та бўлади. 18 та китобга яна битта китоб қўшамиз ва китобларимиз 19 та бўлади. 19 та китобга яна битта китоб қўшсак 20 та бўлади. Энди китобларимизнинг ҳаммасини яна бир марта санаймиз:
1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20.
Китоблар нечта экан?