Мактабга тайёрлов гурущида йил давомида ытказиладиган математика маш\улотларининг та=симланиши

Болалар учун амалий иш.


Тарбиячи ҳар бир боланинг ўтган Фаолиятда ясаган соатларини столлари устига тайёрлаб қўяди. Тарбиячи болаларга соат кўрсаткичини ярим соат аниқликда белгилаш бўйича топшириқлар беради ва болалар ишини кузатиб, баҳолаб боради.

Билимларни мустаҳкамлаш учун ўйин: «Соат неча бўлди?»

Болалар кетма-кет ”Поезд” бўлиб турадилар. Тарбиячи қўлидаги соатни улар томонга кўрсатиб болалардан бироз узоқроқда туради. Болалар “илон изи” бўйлаб бир-бирини тирсакларидан ушлаб юрадилар. Болалар тарбиячининг олдидан ўтаётганида биринчи боладан соат неча бўлганини сўрайди, агар бола соатни тўғри айтса сафдан чиқмай кетаверади, агар нотўғри айтса сафдан чиқади ва ўйинда иштирок этмай, ўртоқларининг жавобини тинглаб, соатни ўрганиб туради.
Тарбиячи соат кўрсаткичларини бураб қўяди ва навбатдаги боладан соат неча бўлганини сўрайди. Ўйин якунида фақат соатни яхши ўрганиб олганлар қолади. Соатнинг неча бўлганини аниқлашни яхши ўрганмаганларга яна алоҳида ўргатилади.


Болалар билимини аниқлаш ва мустаҳкамлаш учун саволлар:
1. Соат нечани кўрсатяпти?
2. Ярим соатни кўрсатиш учун соатнинг узун кўрсаткичи қайси
рақамда бўлиши керак?
3. Соат уч ярим бўлиши учун калта кўрсаткич қаерда, узун кўрсаткич
қайси рақамда туради?
Тарбиячи Фаолият давомида ва якунида болаларни ширин сўзлар билан рағбатлантиради.


Сон ва саноқ
Мавзу: 20 гача бўлган ҳар бир сонни биттадан орттириш ва камайтириш
Мақсад:
Болаларда 20 гача бўлган сонларни биттага орттириш ва камайтириш малакасини ҳосил қилиш.
Кутилаётган натижа:

• 
  Болалар 20 гача бўлган сонлар орасидаги муносабатларни тушуниб оладилар (масалан, 12 сони 11 сонидан 1 тага ортиқ, 11 сони 12 сонидан 1 та кам).
  

Керакли жиҳозлар:

• 
  Магнитли доска, магнитли 20 та олма, 20 та нок
  
• 
  Саноқ тахтачаси, учбурчак ва доира шакллари
  
• 
  2 та обруч, 40 та копток солинган қути, рақамлар ёзуви-1 дан 20 гача