Мактабга тайёрлов гурущида йил давомида ытказиладиган математика маш\улотларининг та=симланиши

Болаларнинг билимини ошириш ва мустаҳкамлаш учун саволлар:
1. Китобнинг варақлари кўп бўлса у қалин бўладими ёки юпқами?
2. Қишда қандай кийимлар кийилади?
3. Китоб қалинми ёки дафтарми?
4. Қоғоз юпқами ёки тахтами?
5. Ёзда қандай кийимлар кийилади?
6 . Қайси китоб қалинроқ?


Фазовий тасаввур
Мавзу: Қоғоз варағининг ўнг-чап, юқори-паст ва ўртасини аниқлаш
Мақсад:
Болаларнинг қоғоз варағида ўнг, чап, юқори, паст, ўртани аниқлаш кўникмасини мустаҳкамлаш.
Кутилаётган натижалар:
Болалар аниқ топшириқ ва машқларда қоғоз варағининг ўнг, чап, юқори, пасти ва ўртасини аниқлашни ўрганадилар.
Керакли жиҳозлар:
Оқ қоғоз (бўйи 20 см, эни 30 см)
Геометрик шакллар: ромб, овал, саккизбурчак, олтибурчак, бешбурчак
Оқ қоғоз ва рангли қаламлар


Фаолиятнинг бориши:
Тарбиячи: Болажонлар, сизлар билан ўнг-чап, юқори-паст ҳақида олдин ҳам жуда кўп гаплашганмиз. Дафтар варағининг сатҳини аниқлашни ҳам машқ қилганмиз. Бугун оқ қоғознинг ўнг ва чап томонини, юқориси, пасти ва ўртасини аниқлашни ўрганамиз. (Тарбиячи доскага илинган қоғоз варағида кўрсатиб беради).
Бунинг учун ҳаммамиз олдимиздаги қоғоз варағининг ўнг қўлимиз томонига, юқорисига қизил бешбурчакни қўямиз. Бу томон қоғознинг юқориги ўнг бурчаги бўлади.
Қоғоз варағининг ўнг томони пастига сариқ ромбни жойлаштирамиз. Бу томон қоғоз варағининг пастки ўнг бурчаги бўлади.
Қоғоз варағининг чап қўлимиз томонига, юқорисига яшил овални қўямиз. Бу томон қоғоз варағининг юқори чап бурчаги бўлади.
Қоғоз варағининг чап томони-пастига кўк саккизбурчак шаклини қўямиз. Бу томон қоғоз варағининг пастки чап бурчаги бўлади.
Қоғоз варағининг ўртасига тўқ сариқ рангдаги катта олтибурчакни жойлаштирамиз. Демак катта тўқ сариқ олтибурчагимиз варақнинг ўртасига қўйилди.
Энди ҳамма ёнидаги ўртоғининг ишни қандай бажарганлигини текшириб чиқади. Мен сиздан кейин ҳамманинг ишини текшириб чиқаман. (Топшириқни тўғри бажармаганларга ёрдам берилади).