Мактабга тайёрлов гурущида йил давомида ытказиладиган математика маш\улотларининг та=симланиши

Болалар учун амалий иш.
Болалар баҳор, ёз, куз, қиш, фасллари тасвирланган расмларнинг бўлакларини йиғиш ёрдамида гуруҳларга бўлинадилар. Бунинг учун ҳар бир фасл тасвирланган расмдан 2 тадан бўлиши керак. Масалан: ёз фасли тасвирланган 2 та расмдан бири болалар столининг бирида туради. Худди шундай иккинчи расм 5 бўлакга бўлинади. Болалар бўлакларни йиғиб қайси фасл эканлигини топишлари керак ва шу асосда битта гуруҳ бўлиб бирлашадилар. Болалар 4 гуруҳга бўлиниб столларга ўтирадилар.
Тарбиячи 1- гуруҳга –баҳор, 2-гуруҳга- ёз, 3- гуруҳга -куз, 4-гуруҳга-қиш фаслида 3 та ойни шеърда таърифлангани бўйича белгиларини чизишни таклиф этади. Ҳар бир гуруҳ алоҳида жамоа бўлиб иш бажарадилар. Тарбиячи олдиндан намунавий расм кўрсатади. Болалар 3 та учбурчак чизилган қоғознинг ҳар бир учбурчагига ойларнинг белгиларини чизиб чиқадилар ва таърифлаб берадилар.

Билимларни мустаҳкамлаш учун ўйин: «Белгисини топ»

Ўйинда 4 нафардан бола иштирок этади. Тарбиячи 5 та ҳалқа (обруч) ни қуйидаги шаклда қўяди ва ўртадаги халқага барча


ойларнинг ёки фаслнинг бирор белгисини ёки расмини қўяди. Болалар ўртадаги ҳалқа ёнида турадилар.
Ўйин қоидаси: Тарбиячи 4 та болага 4 та фаслнинг номини айтади. Болалар ўртадаги белгиларни фасл номига мослаб ажратадилар ва ўзларига берилган ҳалқага қўядилар. Топшириқ тўғри ёки нотўғри бажарилганлигини болалар баҳолайдилар. Ўйинда болалар навбат билан иштирок этадилар.


Болалар билимини аниқлаш ва мустаҳкамлаш учун саволлар:
1. Ҳозир қайси ой?
2. Кейинги ой қандай номланади?
3. Январ ойидан кейин қайси ой келади?
4. Март ойидан кейин қайси ой келади?
5. Бир йилда нечта ой бор?


Тарбиячи Фаолият давомида ва якунида болаларни ширин сўзлар билан рағбатлантиради.
Сон ва саноқ
Мавзу: Иккинчи 10 лик сонларини ҳосил қилиш
Мақсад:

• 
  Болаларга иккинчи 10 лик сонларини ҳосил қилишни ўргатиш.