Maktab o`quv ishlari bo`yicha direktor o`rinbosari: Ganjayeva Z

III bosqich: Yangi mavzu mazmunini tushuntirish jarayoni:

Hokimiyat bo‘lmagan jamiyatni tasavvur qilish qiyin, albatta. Jamiyat taraqqiyoti tarixidan olingan misollarda (Qadimgi Rim, Buyuk Karl imperiyasi va hokazolar) hokimiyat bo‘lmaganda jamiyat ichki ziddiyatlar va hokimiyat uchun kurash yuki ostida nest-nobud bo‘lishini ko‘rishimiz mumkin.

Ko‘p asrlar davomida insoniyat ideal davlat barpo etish uchun “baxt-saodat formulasi”ni behudaga izladi. Sharq o‘rta asrlar mutafakkirlaridan Abu Nasr al-Forobiy davlat, davlatni boshqarish shakllari, davlatning vazifalari va boshqa shu singari tushunchalarga ta`rif bergan. Abu Ali ibn Sino esa ijtimoiy adolat va tartibotni ta`minlagan odil hukmdor hukmronlik qilgan davlatni mukammal davlat deb hisoblagan. Shuning barobarida, u davlatning har bir fuqarosi foydali mehnat bilan shug‘ullanishi lozim, deya ta’kidlaydi.

Mustaqillik e’lon qilinishi bilan O‘zbekistonda o‘z yangilanish va jami­yat taraqqiyot yo‘lini tanlab olish imkoniyati vujudga keldi. Mustaqil О‘zbekiston Respublikasini rivojlantirishning nazariy asoslari mamlakatimiz Prezidenti Islom Karimov asarlarida bayon etilgan.

O‘zbekistonning o‘z yangilanish va taraqqiyot yo‘li to‘rt prinsipga asoslanadi:

-umuminsoniy qadriyatlarga sodiqlik;

-xalqimizning ma’naviy merosini mustahkamlash va rivojlantirish;

-inson o‘z imkoniyatlarini erkin namoyon qilishi;

-vatanparvarlik.

IV bosqich: Yangi mavzuni mustahkamlash, amaliy va mustaqil ishlar bajarish jarayoni: