Maket Akusherlik 2013. pmd

Yotoq yaralarining oldini olish

Uzoq yotib qolgan va ozib ketgan bemorlar operatsiya qilin-

gandan keyin dumg‘azasida va bosilib qoladigan boshqa joylarda yo-

toq yaralar paydo bo‘lishi mumkin. Teri avvaliga qizaradi, keyin

badanning shu joyi ko‘karadi va hatto qorayadi, nihoyat, badan-

ning irigan qismi ko‘chib tushib, yara paydo bo‘ladi. To‘qima-

larning ezilishigina emas, terining siydik, suyuqliklar bilan ho‘l-

lanishi (bemorning tagini tozalaganda), bemorning tagini tozala-

gandan keyin badanini yaxshi artmaslik ham yotoq yaralar kelib

chiqishiga sabab bo‘ladi.

Bu ko‘ngilsiz hodisaning oldini olish uchun to‘qimalarning

ezilishini rezina doiralar, valiklar yordamida kamaytirish, bemor-

ning badanini ham, o‘rin-boshini ham quruq tutish, bemorning

vaziyatini tez-tez o‘zgartirib turish kerak. Badanning qizargan jo-

yini kuniga 2—3 mahal kamfora spirti bilan artish kerak. Yaralar

paydo bo‘lgan bo‘lsa, chetlari spirt bilan artiladi, yara quritiladi va

unga kseroformli yoki ruxli maz qo‘yib bog‘lanadi. Bunday bemorga

vitaminlarga boy ovqatlar berish lozim.

---

383