Maket Akusherlik 2013. pmd

Sangemeyster o‘lchami 

– homila boshining oldingi yuzasi va

Mixaelis rombining yuqori burchagi orasidagi masofa. Bu o‘lcham

tazomer yordamida o‘lchanadi. Sangemeyster o‘lchami tashqi

konyugata bilan solishtiriladi. Odatda tashqi konyugata, ya’ni sim-

fizning yuqori qirrasidan Mixaelis rombining yuqori burchagigacha

bo‘lgan masofa 20–21 sm ga teng bo‘ladi.

Sangemeyster o‘lchami quyidagicha aniqlanadi: ayol yoni bilan

yotqizilib, avval tashqi konyugata o‘lchanadi, so‘ngra tazomerning

oldingi tugmachasi simfizdan homila boshining oldingi yuzasining

turtib chiqqan nuqtasiga ko‘chiriladi (orqadagi tugmacha joyida tura-

di). Homila boshi chanoqqa mos kelgan taqdirda, Sangemeyster

o‘lchami tashqi konyugatadan 3–4 sm kam bo‘ladi. Homila boshi

chanoqqa qisman mos kelmaganda, Sangemeyster o‘lchami tashqi

konyugata bilan teng bo‘ladi. Homila boshi chanoqqa mutlaq mos

kelmasa, Sangemeyster o‘lchami tashqi konyugatadan katta bo‘ladi.

Funksional jihatdan tor chanoq homila boshi va chanoq o‘l-

chamlarining mos kelmasligi jihatidan 3-darajaga bo‘linadi (Kolga-

nova bo‘yicha).

1-darajasi

 funksional tor chanoq kuzatilganda: tug‘ruq mexa-

nizmi va homila boshining suqilishi xususiyatlari normal tug‘ruq

mexanizmiga mos bo‘ladi, homila boshi yaxshi konfiguratsiyalanadi.

Vasten belgisi manfiy, Sangemeyster o‘lchami tashqi konyugata-

dan kam, tug‘ruq kuchi normal bo‘lib, tug‘ruq 2–4 soatga cho‘-

ziladi. Ko‘pincha bu darajasi tug‘ruq paytida aniqlanishi qiyin.

2-darajali

 funksional tor chanoq (nisbiy mos kelmaslik) bel-

gilari: tug‘ruq mexanizmi va homila boshining suqilish xususiyatlari

anatomik tor chanoq shakliga mos keladi, homila boshi keskin

konfiguratsiyalanadi, homila boshi kichik chanoq tekisliklarida uzoq

turib qoladi, siydik pufagining qisilishi, Vasten belgisi “baravar”,

Sangemeyster o‘lchami tashqi konyugata o‘lchamiga teng bo‘lishi,

tug‘ruq kuchlarining susayishi, ko‘pincha to‘lg‘oq sustligi bilan ifo-

dalanadi. Tor chanoqning bu shakli funksional tor chanoqlarning

40% ni tashkil qiladi. 20% hollarda ayollar o‘zlari mustaqil ravishda

---

273

tug‘ishi, qolgan 80% hollarda u yoki bu turdagi akusherlik ope-

ratsiyalari yordamida tug‘diriladi (kesar kesish operatsiyasi, va-

kuum ekstraksiya, kraniotomiya va h.k.).

3-darajali 

funksional tor chanoq (mutlaq mos kelmaslik);

bunday holda tug‘ruq biomexanizmi chanoq torayish shakliga xos

emas, boshning konfiguratsiyasi sezilarli emas yoki butunlay ku-

zatilmaydi, Vasten belgisi musbat, Sangemeyster o‘lchami tashqi

konyugatadan katta, siydik pufagining qisilish belgilari namoyon

bo‘ladi, bachadon bo‘yni to‘liq ochilmasdan to‘lg‘oq boshlanadi.

Tug‘ruq kuchlari normal, bachadon bo‘yni to‘liq ochilgan bo‘-

lishiga qaramay homilaning ilgarilanma harakatlari sust yoki umu-

man yo‘q, bachadon yorilish xavfi belgilari paydo bo‘ladi (bacha-

don qum soati shakliga kiradi, kontraksion halqa kindikdan ancha

yo‘qorida va qiyshiq joylashadi, ayollarda o‘limdan qo‘rqish hissi

paydo bo‘ladi, qorin sohasining pastki qismida kuchli og‘riq se-

ziladi).

Funksional tor chanoqning bu darajasida tug‘ruq faqat kesar-

kesish operatsiyasi yordamida amalga oshiriladi.