Maket Akusherlik 2013. pmd

Homiladorlik qusishning yengil shakli.

 Qusishning bu shaklida,

asosan, asab tizimidagi funksional o‘zgarishlar kuzatiladi. Miya-

ning po‘stloq qavati asab faoliyati pasayishi, po‘stoq osti markazi

qo‘zg‘aluvchanligining oshishi, vegetativ asab tizimi fuknsiyasi-

ning buzilishi va modda almashinuvining barcha sohalaridagi

o‘zgarishlar shular jumlasidandir. Kasallikning asosiy simptomi –

qusish. Qusish ko‘ngil aynish, ishtahaning pasayishi, ba’zan ach-

chiq va sho‘r narsalarga ko‘ngil ketishi kabi holatlar bilan birga

kechadi. Bir kunda 2–4 martagacha qusish takrorlanadi, ko‘pincha

ovqat egandan keyin. Bemorning umumiy ahvoli yomonlashmay-

di, tana harorati ko‘tarilmaydi, pulsi 1 daqiqada 90 marta, arterial

qon bosimi normal holatda bo‘ladi. Qonda va siydikda o‘zgarishlar

bo‘lmaydi. Ba’zan darmonsizlik, uyquchanlik, kayfiyatning pastligi

kuzatiladi. Qusish davolanganda yengil o‘tib ketadi, ba’zan o‘z-

o‘zidan yaxshi bo‘lib ketadi. 10–15% homilador ayollarda qusish

kuchayib, keyingi bosqichga o‘tishi mumkin.