Maket Akusherlik 2013. pmd

Homiladorlikning tiyilmaydigan (haddan tashqari) qusishi

(

hyperemosis gravidarum

) og‘ir kasallik hisoblanadi. Tez-tez qu-

sishga organizmdagi eng muhim funksiyalarning buzilganidan darak

beruvchi boshqa simptomlar ham qo‘shiladi.

Ayol bir sutkada 20 marta va undan ortiq qusadi; kunduzi

ham, kechasi ham qusaveradi. Yegan ovqati emas, organizmdagi

suv ham chiqib ketadi. Ayolning ovqatdan ko‘ngli qoladi. Qusish

ustiga ko‘pincha so‘lagi ham oqadi. Ayolning tana vazni kamayadi.

Kasallik uzoq davom etganda ayol juda ozib ketadi, teri ostidagi

yog‘ qatlami yo‘qoladi. Terisi kuruq va ilvillagan, tilini karash

bosgan bo‘lib, og‘zidan qo‘lansa hid keladi.

Tana temperaturasi subfebril bo‘ladi, pulsi tezlashadi (tomiri

bir daqiqada 100–120 martacha uradi), arterial bosim pasayadi,

siydikda aseton va oqsil paydo bo‘ladi. Bemor quvvatdan ketadi,

miriqib uxlamaydi, qo‘zgalgan yoki beparvo (apatiya) bo‘ladi.

Kasallik ayniqsa og‘ir o‘tganda temperatura ko‘tarilib, badan

sarg‘ayadi, puls juda ham tezlashib, aritmiya qayd qilinadi; bemor

alahlashi mumkin. Qusishi tiyilmayotgan bemorni o‘z vaqtida

davolash zarur. Bemor davolanmasa, organizmda og‘ir distrofik

o‘zgarishlar ro‘y berib, ayol o‘lib qolishi mumkin.