Maket Akusherlik 2013. pmd

AYOLLARNI IKKI QO‘L BILAN (BIMANUAL) QIN

ORQALI TEKSHIRISH

O‘quvchilar bajarishi kerak:

– homilador ayolni qin orqali ikki qo‘l yordami (bimanual)

da tekshirishni.

Kerakli asbob-anjomlar: 

ginekologik kreslo, steril kleyonka yoki

bir martalik steril salfetka, 3% li xloramin eritmasi solingan idish,

biks, rezina qo‘lqop.

Muolajaning bajarilishi:

1. Homilador ayol beligacha yechintirilib, steril kleyonka

to‘shalgan ginekologik kresloga yotqiziladi.

---

406

2. Tekshiruvchi qo‘llarini dezinfeksiyalovchi eritmada yuvib

artadi va steril rezina qo‘lqop kiyadi.

3. Ayolning tashqi jinsiy a’zolar sohasi yuvilib, quritib artiladi.

4. Tekshiruvchi chap qo‘lining ishora va bosh barmoqlari bi-

lan ayolning jinsiy lablari keriladi.

5. O‘ng qo‘lning ishora barmog‘i bilan o‘rta barmog‘i qinga

avaylab kirgiziladi.

6. Bunda bosh barmoq yuqoriga ko‘tariladi, o‘rta barmoq bilan

jimjiloq kaftga taqalib turadi, shu barmoqlarning orqa tomoni esa

oraliqqa tayanib turadi.

7. Qinga suqilgan barmoqlar bilan chanoq tubi mushaklari,

qin devorlari, qin gumbazlari, bachadon bo‘yni va bachadon

bo‘yni kanalining tashqi teshigi tekshiriladi.

8. Keyin o‘ng qo‘lning barmoqlari qinning oldingi gumbaziga

o‘tkaziladi.

9. Chap qo‘lning barmoqlari esa qorin devori orqali bachadon

tanasi topilib, bachadon tanasining katta-kichikligi, shakli, kon-

sistensiyasi, harakatchanligi aniqlanadi.

10.  Qindagi barmoqlar qinning yon gumbazlariga o‘tkazilib,

chap qo‘l va qindagi barmoqlar bilan bachadonning ortiqlari ikki

yondan paypaslanadi.

11.  Qindagi qo‘llar sekin-astalik bilan chiqariladi.

12.  Qo‘l oqar suvda yuvilib, qo‘lqop ag‘darib yechiladi.

13.  3% li xloramin eritmasida 30 daqiqaga qoldiriladi.

Eslatma: 

1. Tekshirishdan oldin qovuq va to‘g‘ri ichak

bo‘shatilgan, jinsiy a’zolar sanitariya ishlovidan o‘tkazilgan bo‘lishi

kerak. 2. Qin orqali tekshirishda aseptika, aptiseptika qoidalariga rioya

qilish shart.