Maket Akusherlik 2013. pmd

XXXV BOB. GINEKOLOGIYADA AMALIY

KO‘NIKMA VA MUOLAJALAR

QINDAN SURTMA OLISH

O‘quvchi bajarishi kerak:

– bemor qinidan surtma olish:

a) tozalik darajasini aniqlash uchun;

b) qin epiteliyasi sitologiyasi uchun;

d) gonokokklarni aniqlash uchun.

Kerakli asbob-anjomlar: 

rezina qo‘lqop, ginekologik kreslo,

steril klyonka, Folkman qoshiqchasi yoki tarnovsimon zond,

buyum oynachasi, qoshiqsimon va yassi qin ko‘zgulari.

Muolajaning bajarilishi:

1. Surtma olish uchun kerakli asboblar tayyorlanadi.

2. Hamshira qo‘lini yuvib rezina qo‘lqop kiyadi.

3. Ginekologik kresloga steril klyonka yoki bir martalik salfetka

to‘shaladi.

4. Ayol beligacha yechintirilib ginekologik kresloga yotqiziladi.

5. Tekshirish uchun bachadon bo‘yni kanalidan, qinning ol-

dingi yoki, asosan, orqa gumbazidan surtma olinadi.

6. Qinga qoshiqsimon ko‘zgu kirgiziladi.

7. Folkman qoshiqchasi yoki tarnovsimon zondning bir uchi

bilan bachadon bo‘yni kanalidan surtma olinib buyum oynachasiga

surtiladi.

8. Folkman qoshiqchasining ikkinchi uchi bilan qinning orqa

gumbazidagi ajralma sekretdan olinib, buyum oynachasiga surtiladi.

9. Ko‘zgular qindan chiqariladi.

10.  Laboratoriyaga tekshirish uchun yo‘llanma yoziladi.

11.  Surtma qurigach yo‘llanma bilan laboratoriyaga topshiriladi.

Eslatma: 

homilador ayoldan surtma olishdan oldin quyidagilarga

qat’iy e’tibor berish kerak: qinni chayish, qinga dorilar bilan

muolajalar o‘tkazish mumkin emas; surtma siyishdan oldin olinadi.