Maket Akusherlik 2013. pmd

Nazorat uchun savollar

1. Homilaning ko‘ndalang yotish sabablari, homiladorlikning

kechishi.

2. Homilaning ko‘ndalang yoki qiyshiq yotganligini aniqlash.

3. Homilaning ko‘ndalang yoki qiyshiq yotishida tug‘ruq,

tug‘ruqni olib borish.

4. Homilaning mayda qismlari yoki kindigining chiqib qoli-

shi.

---

260

XXII BOB. CHANOQ ANOMALIYALARI

(TOR CHANOQLAR)

Ayollardagi chanoq anomaliyasi tug‘ruqning fiziologik kechi-

shini izidan chiqaruvchi, ona va bola hayotiga xavf soluvchi og‘ir

sabablardan biri hisoblanadi.

O‘zining shakli va o‘lchami bilan normal chanoqdan ancha farq

qiladigan chanoq – noto‘g‘ri chanoq deyiladi.

O‘lchamlari kichrayib toraygan chanoq homilaning tug‘ruq

yo‘llaridan o‘tishiga to‘siq bo‘lishi mumkin. Shuningdek, chanoq

haddan tashqari keng bo‘lganda ham, u tug‘ruqning kechishiga sal-

biy ta’sir qiladi.

Chanoq anomaliyasi quyidagi 2 asosiy turdan iborat:

1. Keng chanoq. 2. Tor chanoq.

Chanog‘i 

keng

 bo‘lgan ko‘pchilik ayollarda tug‘ruq ona uchun

ham, homila uchun ham yaxshi o‘tadi, lekin ba’zan tug‘ruqning

og‘irlashuvi kabi hollari ham uchraydi. Bunda homila boshining

orqaga egilib kelishi, o‘q-yoysimon chokning pastda ko‘ndalang

o‘lchamda turishi, qin, oraliq va bachadon bo‘ynining va homila

boshining og‘ir jarohatlanishi kabi hollar kuzatiladi. Chanoq keng

bo‘lganda, tug‘ruq vaqtida bo‘ladigan og‘ir holatlarning oldini olish

uchun ayolni yaxshilab kuzatib borish va o‘z vaqtida yordam

ko‘rsatish, xususan shiddatli tug‘ruqda to‘lg‘oqni susaytirish kerak.

Agar ayol chanog‘i yetilgan homilaning, ayniqsa, homila

boshining o‘tishiga to‘sqinlik qilish darajasida toraygan bo‘lsa, bun-

day chanoq