Maket Akusherlik 2013. pmd

Gemolitik kasallikning anemiya turi

 – kasallikning yengil turi

hisoblanadi. Odatda, hayotining birinchi haftasi oxirlarida namoyon

bo‘ladi. Eritrotsitlar miqdori 2–3 mln.ga tushib ketadi. Jigar va

taloq kattalashishi mumkin. Diagnoz ona va bola qon guruhlarini

aniqlash va rezus-faktorga tekshirish asosida qo‘yiladi. Chaqaloqlar

gemolitik kasalligining mazkur turida davo choralari yaxshi samara

beradi.

Chaqaloqlarda gemolitik sariqlik

 – gemolitik kasallikda eng

ko‘p uchraydigan sindromdir. Odatda, bola muddatiga yetib, terisi-

da sariqlik belgilari bilan tug‘iladi yoki sariqlik birinchi va ikkinchi

---

230

sutkalarda rivojlanib boradi. Terisi sariq-yashil yoki sariq-malla tusga

kiradi. Homila oldi suvlari ham sariq rangda bo‘lishi mumkin. Jigari

va talog‘i kattalashgan. Bola shalpaygan, ko‘krakni apatik va sust

so‘radi. Yurak tomirlari bo‘g‘iq. Siydigi to‘q rangda, axlati o‘zgar-

magan, anemiya kuzatiladi va kindik qonida bilirubin pegmentining

yuqori konsentratsiyasi qayd qilinadi (3–10 mg % va undan ham

baland, normada 1,5 mg % gacha).

Qonda bilirubin miqdorining keyingi keskin ko‘tarilishi bola-

ning markaziy asab tzimi uchun zaharli bo‘lib, bolada yadroli sa-

riqlikning klinik belgilarini namoyon qiladi – mushaklarning tor-

tishishi, rigidligi va opistotonusi, ko‘z harakati buzilishlari, “qu-

yosh botishi” simptomi paydo bo‘lishi mumkin. Sariqlikning klinik

davomiyligi uch haftagachaga va undan ko‘p bo‘lishi mumkin.

Og‘ir turlarida, ayniqsa, yadroli sariqlikda birinchi haftada o‘lim

holati kuzatiladi. Tirik qolgan bolalarda psixik va jismoniy rivojla-

nishdan orqada qolish kabi jiddiy asoratlar kuzatiladi.