Maket Akusherlik 2013. pmd

HOMILA VA CHAQALOQLAR GEMOLITIK KASALLIGI

(ona va homila qonining rezus-faktor yoki qon guruhi

– AB (O) bo

‘

yicha 0izoserologik mos kelmasligi)

Homila va chaqaloqlar gemolitik kasalligining rivojlanishi ona

qornida boshlanib, ona va homila qonining rezus-faktor bo‘yicha

(ona rezusi – manfiy, bola rezusi musbat) yoki AB0 qon guruhi

bo‘yicha mos kelmasligi oqibatida kelib chiqadi.

Rezus-konflikt holatlarida ona organizmida rezus-antitelalar

ishlab chiqarilib, ular platsentar to‘siq orqali homila qoniga o‘tadi

va eritrotsitlar gemoliziga sababchi bo‘ladi. Eritrotsitlar gemolizin-

ing intensivligi ona qonidagi rezus-antitelalar titri konsentratsiyasiga

bog‘liq bo‘ladi.

Chaqaloqlar gemolitik kasalligi ko‘pincha ikkinchi va asosan,

uchinchi homiladorlikdan keyin namoyon bo‘ladi. Birinchi homi-

ladorlikda bola sog‘lom tug‘iladi, chunki ona organizmida homila-

ning rezus-musbat qoni hisobiga anti-rezus antitelalar ishlab chi-

qilmagan, ona organizmi sensebilizatsiyalanmagan bo‘ladi. Ikkinchi

homiladorlikda anemiyaning yengil darajasi bilan, uchinchi homi-

ladorlikda esa kasallikning aniq belgilari bilan tug‘iladi. Agar ayol

organizmi homilador bo‘lgunga qadar rezus-musbat qon quyi-

lishlar oqibatida sensibilizatsiyalangan bo‘lsa, birinchi homiladorlik

bola tushishi, o‘lik homila tug‘ilishi yoki og‘ir darajali gemolitik

kasallik belgilari rivojlangan holda bolaning tug‘ilishi bilan tugashi

mumkin. Qon guruhining AB0 tizimi bo‘yicha mos kelmaslik ho-

latlarida gemolitik kasallikning yengil klinik ko‘rinishi kuzatiladi va

asosan, birinchi homiladorlikdan keyin namoyon bo‘ladi.

Chaqaloqlar gemolitik kasalligi uch xil klinik ko‘rinishda –

anemiya, gemolitik sariqlik va shish shakllarida bo‘ladi.