Макаров пистолети ўҚув-услубий қЎлланма

ПИСТОЛЕТНИНГ ҚИСМ ВА МЕХАНИЗМЛАРИНИНГ ИШЛАШИ

Пистолет қисмлари ва механизмларининг қурол
ўқлангунга қадар ҳолати
Пистолет қисмлари ва механизмларининг қурол ўқлангунга қадар ҳолати қуйида баён этилган.
Затвор, қайтариш пружинасининг таъсири остида охиригача олдинги ҳолатни эгаллайди. Затворнинг гилза туби жойлашадиган ўйиғи ствол каналининг ортки қисмига тиралиб туради. Натижада ствол эркин затвор воситасида ёпилади. Затвор ҳаракатини рамка бўйлаб йўналтириш учун мўлжалланган бўйлама бўртиқлар рамканинг ортки қисмидаги оралиқлар орасига кирган, затвор эса рамка билан биргаликда сақлагич қирраси билан ёпилган бўлади.
Тепки, жанговар пружинанинг энли пероси таъсири остида пастга туширилган бўлиб, олд юзаси билан сақлагич бўртиғига, олд томонга ҳаракатлана олмайдиган даражада тақалиб туради.
Шептало, сақлагич ўқидаги ўйиқ токчаси воситасида юқорига кўтарилган бўлиб, ушбу ҳолатда тепкининг сақловчи ҳолати ва шепталонинг учки қисми орасида кичик оралиқ ҳосил қилганча тутиб турилади.
Жанговар ҳолатга келтириш ричаги билан биргаликдаги ўт очиш тортқиси жанговар пружинанинг энсиз пероси таъсири остида охиригача ортки ҳолатга келтирилган. Жанговар ҳолатга келтириш ричаги рамка ичига тушган ва унинг ўзини ўзи ўқлаш бўртиғи тепкидаги ўзини ўзи жанговар ҳолатга келтириш тирноғига илашган бўлиб, ўт очиш илгагига босилганида тепкининг жанговар ҳолатга келишига тўсқинлик қилади. Бироқ, орқа томон муайян даража эркин юриш имконига эга бўлади.
Магазин даста асосининг ичига киритилган бўлиб, унинг узаткичи юқорида, затвор ўркачига тақалиб туради. Узаткич тирноғи эса затвор тўхтаткични босиб туради.
Сақлагич байроқчаси сақлаш ҳолатига келтирилган. Айни вақтда сақлагич бўртиғи пастга тушган бўлиб, тепкининг олд юзасига тегиб туради. Сақлагич ўқидаги ўйиқ токчаси шептало тирноғига таъсир ўтказганича, шепталани юқорига кўтариб туради. Тепкидаги ўйма ичига кирган сақлагич тирноғи тепки бўртиғига тиралганича, тепкини сақловчи ҳолатда тутиб туради ва жанговар ҳолатга келишига тўсқинлик қилади. Сақлагич қирраси рамкадаги чап бўртиқ ортига ўтиб, затвор билан рамкани ёпиб қўяди.