Макаров пистолети ўҚув-услубий қЎлланма

Пистолет ўқ отишга тайёр (расм. 39).

39-расм. Пистолетни отишдан олдин қисм ва механизмларини холати. 1 - затвор; 2 - улоқтиргич; 3 – қайтарувчи пружина;4 – қўйиб юборувчи илгак; 5 – тортувчи куч; 6 - магазин; 7 - жанговар пружина; 8 - шептало пружинаси- 9 – дастаг взводи; 10 – тепки.

Сақлагич сақлаш ҳолатига келтирилаётган фурсатда ўқланган пистолет қисмлари ва механизмларининг бажарадиган иши Агар ўқ узиш талаб этилмайдиган ҳолат юзага келса, пистолет сақлагичини сақлаш ҳолатига келтириш лозим. Бунинг учун тепкини жанговар ҳолатдан халос этмай, сақлагич байроқчаси охиригача юқорига, затвор сиртидаги қизил нуқта ёпилиб қолгунга қадар кўтарилади. Байроқча кўтарилганида сақлагич бўртиғи пастга тушиб, шептало кўтарилгунга қадар тепки ҳаракатланадиган йўлга туриб қолади. Сақлагич ўқи ўз ўйиғининг нуқтаси воситасида шепталони кўтаради.

Бунинг оқибатида шептало бурилиб, тепкини халос этади. Тепки, жанговар пружинанинг энли пероси таъсири остида бурилиб, сақлагич бўртиғига зарб беради.
Сақлагич қирраси бурилганича, рамканинг чап бўртиғи ортига ўтиб, затвор билан рамкани ёпиб қўяди.
Сақлагич тирноғи эса пастга тушганча тепкидаги ўйиқ ичига кириб, уни ҳаракатсизлантириб қўяди. Натижада тепкини жанговар ҳолатга келтириш имкони бўлмай қолади.
Агар пистолетнинг юқорида баён этилган ҳолатида сақлагич байроқчаси пастга туширилса, тепки сақловчи ҳолатга автоматик равишда ўтиб, қурол жанговар ҳолатга келтирилганлиги боис зудлик билан ўт очишга шай бўлиб қолади. Айни вақтда пистолетга беихтиёр зарба берилган ҳолдаги зарурий хавфсизлик тепкининг сақловчи ҳолатга автоматик равишда ўтиши туфайли таъминланади.
Агар тепки жанговар ҳолатдан сақлагич воситасида эмас, дастаки яъни, ўнг қўлнинг бош бармоғи билан тепкининг кертикли каллакидан тутиб турилганича, шу қўлнинг кўрсаткич бармоғи билан ўт очиш илгаги босилиб халос этилса, тепки ҳам, қўйиб юборилган ўт очиш илгаги каби автоматик равишда сақловчи ҳолатга келиб қолади.