Махсус таълим вазирлиги мирзо улуғбек номидаги

эволюцион генетика
вужудга келди. Унинг вазифаси попу-
ляциялар генетик таркибларидаги ўзгариш жараёнларини ўрганиш эди. 
Эволюцион генетиканинг яратилишига рус олими С.С.Четвериков 
катта ҳисса қўшди. У биринчилардан бўлиб генетиканинг дарвинизм билан 
яқинлашиши объектив зарурият деб ҳисоблади. “Дарвинизм генетика 
тимсолида қудратли иттифоқчига эга бўлди”- деб ёзган эди у. Генетик 
таҳлилнинг янги методларини қўллаган Четвериков табиий популяция-
ларнинг генетик таркиби ҳақидаги таълимотга асос солди. Четвериков ўз 
тадқиқотлари асосида қуйидаги хулосаларга келди: 

табиий юз берадиган мутацион жараён популяциялар генофон-
дини доимо янги материал билан бойита бориб уни янада турли-туман 
(гетероген) бўлишига олиб келади, бундай мутантлар популяция ареалида 
нотекис тақсимланади; 

мутацияларнинг каттагина қисми рецессив ҳолатда бўлади. 
Яширин рецессив мутациялар рецессив аллелларнинг гомозигота ҳолига 
келиши туфайлигина юзага чиқади, популяциялар генофонди кичик 
рецессив мутациялар билан тўйинган бўлади; 

танлаш туфайли кичик тасодифий адаптив йўналтирилмаган 
мутациялар 
эволюцион 
жараённи 
қонуний 
адаптив 
йўналишда 
боришлигига олиб келади. 
Четвериков хулосаси кейинчалик Н.П.Дубинин, Д.Д.Ромашов ишла-
рида тасдиқланди. Эволюцион генетикани яратишда А.С.Серебровский, 
Н.И.Вавиловларнинг хизматлари катта бўлди. 
Инглиз олимлари Р.Фишер, Дж.Холдейн, америкалик олим С.Райтлар 
популяциялар генетик таркибининг ўзгаришини математик асосда 
ўрганиш туфайли эволюциянинг математик назариясини яратдилар. 
Дарвинизмнинг экология билан иттифоқи яшаш учун кураш (тур 
ичида ва турлараро) томонидан бошқарилиб туриладиган популяциялар 
сонининг ўзгариб туришини тадқиқ қилишга асосланган. Яшаш учун 
курашни тажрибада ўрганишга А.А.Сапегин, В.Е.Писарев, Н.Н.Кулешов, 
В.Н.Сукачёв, Г.Ф.Гаузе ва бошқа олимларнинг қўшган ҳиссалари катта 
бўлди. 
Шундай қилиб, эволюцион генетика томонидан ўрганиладиган 
популяциялар ареалида рўй берадиган микроэволюция ҳодисалари 
макроэволюцион қайта тузилишларнинг асосида ётади.