Махсус таълим вазирлиги мирзо улуғбек номидаги

X.2.2. Хромосомаларнинг молекуляр структураси ва функцияси 
Эукариот организмлар - юксак ўсимликлар ва ҳайвонлар хромосома-
ларининг кимёвий таркибида 40% ДНК, 40% гистон оқсиллари, 20% 
гистон бўлмаган оқсиллар, бироз РНК мавжуд. Бу моддалардан ташкил 
топган комплекс - хроматидалардир. Улар хромосомалар шаклида намоён 
бўладилар. Гистон ишқор хусусиятига эга хромосома оқсиллари бўлиб, 
уларнинг таркибида аргинин ва лизин аминокислоталари кўп бўлади. 
Гистонларнинг бешта хили мавжуд: H1 (лизинга бой), H2а ва H2б (лизинга 
бой), H3 (аргининга бой), H4 (глицин ва аргининга бой). Гистон бўлмаган 
хромосома оқсиллари кислота хусусиятига эга бўлади. Бундай 
оқсилларнинг 100 дан ортиқ хиллари мавжуд. Улар жумласига қуйида-
гилар киради: хромосомалар ҳаракатини таъмин этувчи оқсиллар (актин, 
миозин,тубулин), ДНК ва РНК нинг синтезини таъмин этувчи ферментлар 
(полимеразалар), айрим генлар активлигини бошқарувчи оқсиллар. 
Хромосомаларнинг молекуляр структураси
. Эукариот организм-
лар хромосомаларидаги ҳар қайси ДНК молекуласи қўш занжири бир ёки 
бир неча сантиметр узунликда бўлади. ДНК молекуласининг диаметри 2 

---

302 
нм га тенг бўлади. Ҳаттоки энг ингичка хромосомаларнинг диаметри эса 
солиштириб бўлмайдиган даражада катта бўлиб 100-200 нм ни ташкил 
этади. Гистокимёвий, биокимёвий ва цитологик тадқиқотлар натижасида 
ДНКнинг хромосомаларда жойлашишининг молекуляр структураси ҳақида 
анчагина маълумотлар олинди, бир неча тахмин ва башорат шаклидаги 
баъзи фикрлар таклиф этилди. Уларнинг асосий мазмуни қуйидагилардан 
иборат. Хромосоманинг хроматидаларидаги ДНК молекулалари, гистон 
оқсилларидан ташкил топган қурилмалар, гистон бўлмаган оқсиллар 
иштирокида кўп марта спираллашиб, тахланиб, зичлантирилиб 
жойлаштирилган ҳолатда бўлади. Бу жараён оқибатида ДНКнинг 
спираллашиш даражасига қараб қуйидаги молекуляр структура қисмлари 
намоён бўлади (75.1, 2-расмлар). 
1) ДНК нинг рамзий ўз ўқи атрофида спираллашиши; 
2) ДНК нинг биринчи даражали суперспирали айрим нуклеосомалар 
шаклида амалга ошади.