Mahalliy tarmoq Kompyuterlarni bir-biri bilan bog`lash. Tarmoqni tashkil etishda kabellarni ahamiyati

mahalliy (lokal) tarmoq - LAN (Local Area Network);

mintaqaviy tarmoq - MAN (Metropolitan Area Network);

global tarmoq - WAN (Wide Area Network).

Mahalliy (Lokal) tarmoqlar bir korxona yoki muassasalardagi bir necha yaqin binolardagi abonentlarni (kompyuterlarni) maxsus kabellar bilan bog‘laydi yani lokal tarmoq - bir binoda yoki bir-biriga yaqin binolarda joylashgan kompyuterlarda o’zaro axborot almashish imkonini beruvchi tarmoq. Mahalliy tarmoq - (LAN-Local Area Network), ushbu nom nisbatan katta bo`lmagan hudud (bir korxona, ofis, bir xona)da joylashgan kompyuterlarning birlashuviga mos keladi. MHT uchun mavjud standartlar (tegishlicha Ethernet va ARCNET) 2,5 km dan 6 km gacha bo`lgan masofadagi kompyuterlar orasida aloqani ta'minlaydi.
Mahalliy hisoblash tarmog`i (MHT) – kompyuterlar, boshqa periferiya qurilmalari (printerlar, disk kontrollerlari va boshqalar)ning bog`lanishini ta'minlaydigan va ularga umumiy disk xotirasidan, periferiya qurilmalaridan birgalikda foydalanishga, ma'lumotlar bilan almashishga imkon beradigan apparat vositalari va algoritmlar to`plamidir. 
Mintaqaviy tarmoqlar - MAN (Metropolitan Area Network) uncha katta bo‘lmagan mamlakat shaharlari va viloyatlari foydalanuvchi kompyuterlarini va lokal tarmoqlarni maxsus aloqa yoki telefon aloqa kanallari orqali birlashtiradi yani mintaqaviy tarmoq— biror tuman, viloyat yoki respublika miqyosidagi kompyuterlarni o’zida mujassamlashtirgan tarmoq. 
Global tarmoqlar - WAN (Wide Area Network) o‘ziga butun dunyo bo‘yicha hamma abonentlarni, lokal va mintaqaviy tarmoqlarni o‘ziga telefon yoki sputnik aloqa tarmog‘i orqali birlashtiradi yani global tarmoq — dunyoning ixtiyoriy davlatidagi kompyuterlarni o’zida birlashtirish imkoniga ega bo’lgan tarmoq.
Kompyuter tarmoqlari quyidagi texnik vositalar bilan bog‘liqdir:
Server - tarmoq ishini ta'minlovchi maxsus kompyuter. Server disklarida kompyuterlarni birgalikda ishlash imkonini beruvchi dasturlar, ma'lumotlar bazasi va boshqa fayl ma'lumotlari saqlanadi.