Mahalliy tarmoq Kompyuterlarni bir-biri bilan bog`lash. Tarmoqni tashkil etishda kabellarni ahamiyati

3. Optik tolali kabel MHT da foydalaniladigan eng yangi texnologiya hisoblanadi. Optik tolali kabel (fider-optic cable) - eng ishonchli va tez, shu bilan birga juda qimmat kabel turi. Oralig`i 100 km masofadagi tarmoq uchun qo`llaniladi. O`tkazish tezligi: 2 Gbit/sek
Optik-tolali simlar. Optik-tolali deyilishiga sabab, bunda axborot eltuvchi yorug`lik nuri bo`ladi, u tarmoq tomonidan o`zgartiriladi va signal shaklini oladi ya'ni yorug`lik quvvatidan tolalar orqali boshqa energiya turiga aylantirilishidir. Bunday tizim tashqi elektr halaqitlariga bardoshli va shuning uchun ma'lumotlarni tez (2 Gbit/sek) va xatosiz uzatish mumkin bo`ladi hamda uzatilayotgan axborotning maxfiyligini ta'minlaydi. Bunday kabellarda kanallar soni juda ko`p bo`ladi. Ma'lumotlar faqat simpleks rejimida uzatiladi, shu sababli ma'lumotlar bilan almashinishni tashkil etish uchun qurilmani ikkita optik tola bilan ulash zarur (amaliyotda optik tolali kabel hamma vaqt juft tolali bo`ladi). Bunday simlarning diametri bir necha mikron bo`ladi. Ular qattiq qatlam bilan, tashqaridan esa himoyaviy qoplam bilan qoplangan ko’rinishda bo`ladi. Birinchi optik-tola simlar shisha materialidan tayyorlangan edi. Hozir esa uning o`rniga plastik tolalar ishlatiladi.
Optik-tolali simlarning afzalliklari: har qanday tashqi qarshiliklarga chidamliligi, ma'lumotlarni uzoq masofalarga o`zgartirishsiz va tez uzatilishi (avvalgilariga nisbatan hatto 10 barobar tez). Uning kamchiligi mahalliy hisoblash tarmog`i (MHT)ni hosil qilishda simlarni ulashning nisbatan qiyinligi, ularga xizmat ko`rsatishning qimmatligi va qiyinligidadir. Bundan tashqari, optik tola simlarining keng tarqalmaganligiga sabab, yetarlicha tajribaga ega bo`lgan mutaxassislarning yo`qligi ham deyish mumkin.
Shu bilan birga optik tolalarni boshqa vositalar bilan birlashtirib ishlatish maqsadida andozalar ishlab chiqilgan. Bular FDDI (Fiber Distributed Data Interface - ma'lumotlarni tarqatishning optik-tola interfeysi), FOSTAR IEEE (Insti­tu­te of Electrical and Electronics Enginers-elektrotexnika va radioelektronika injenerlari instituti), VGA - Video Grap­hics Array – videografikli massiv. Bular Ethernet tarmog`i optik tola variantini taklif qilib amalga oshirganlar.
Biz yuqorida aytganimizdek koaksial va optik tola simlarni IBM kompyuterlariga to`g`ridan-to`g`ri ulash qiyin. Lekin bu masalani hal qilish uchun birlashtiruvchiga ega bo`lgan tayyor simlardan foydalanilsa, maqsadga muvofiq bo`ladi.
Optik-tola simlar magistral (tez ishlaydigan) kanallarda ma'lumotlarni yuqori ishonch bilan uzatilishini ta'minlash talab qilinadigan hollarda qullaniladi. Bu usuldan foydalanish ancha qimmatrok hisoblanadi. Lekin undan foydalanish ko`p afzalliklarga ega va katta xajmdagi ma'lumotlar katta tezlik bilan uzatiladi. O`zining ekspluatatsion parametri tufayli, ko`p hollarda undan foydalanish o`zini oqlaydi. Respublikamizda bu borada amaliy loyihalar amalga oshirilmoqda.