Mahalliy tarmoq Kompyuterlarni bir-biri bilan bog`lash. Tarmoqni tashkil etishda kabellarni ahamiyati

Shinali topologiya - eng oddiy turlardan biri. U uzatish vositasi sifatida koaksial kabeldan foydalanish bilan bog`liq. Ma'lumotlar tarmoq uzatish uzelidan shina bo`yicha har ikki tomonga tarqaladi. Oraliq uzellar kelayotgan axborotlarni translyatsiya qilmaydi. Axborot barcha uzellarga kelib tushadi, lekin kimga jo`natilgan bo`lsa, faqat o`shagina qabul qila oladi. Xizmat ko`rsatish tartibi parallel.
Bu xol shinali topologiya bilan LXTning tezkor harakatini ta'minlaydi. Tarmoqni ko`chaytirish va konfiguratsiyalash, shuningdek turli tizimlarga moslashtirish oson. Shinali topologiya tarmog`i alohida uzellarning buzilish extimolligiga chidamli. Ushbu turdagi topologiya tarmog`i hozirgi kunda joriy etilgan. Shuni ta'kidlash lozimki, ularning ko`lami kichkina va bir tarmoq doirasida turli xildagi kabeldan foydalanish imkonini beradi.
Mahalliy hisoblash tarmoq (MHT) da ishlashning afzalligi.
Lokal tarmoqda ishlashning asosiy afzalligi quyidagicha: ko`p marta foydalaniladigan rejimda dasturli modem, printerlar tarmog`idagi disketlarning umumiy resurslaridan va hamma kirishi mumkin bo`lgan diskda saqlanuvchi ma'lumotlardan foydalanish, shuningdek, bir kompyuterdan boshqasiga axborot uzatish imkoniyati, resurslardan birgalikda foydalanish, axborotlarni bir kompyuterdan boshqasiga uzatish yoki boshqa kompyuterga ham kirish, global tarmoqqa chiqish va lokal tarmoqda kompyuterlar orasidagi masofa yaqin bo‘lganligi sabab, telefon aloqa kanallaridan foydalanilmaydi.
Fayl - serverli lokal tarmoqda ishlashning asosiy afzalliklarini sanab o`tamiz.
Shaxsiy va umumiy foydalanuvchi ma'lumotlarni faylli serverda saqlashimkoniyatining mavjudligi. Shu bois umumiy foydalaniladigan ma'lumotlar ustida bir vaqtda bir necha foydalanuvchi ishlay oladi (matnlar, elektron jadval va ma'lumotlar bazasini ko`rib chiqish, o`qish), Net Ware vositasida fayl va kataloglar darajasidagi ma'lumotlar ko`p tomonlama himoya qilinadi; umumiy ma'lumotlarning Excel, Access kabi tarmoqli amaliy dasturlangan maxsulotlar bilan yaratiladi. Ayni paytda amaliy dasturda belgilangan kirish uchun chegara tarmoq operatsion tizimi orqali o`rnatilgan chegara doirasida bo`ladi.