Магниторазведка

Магниторазведка қўлланиладиган соҳалар

• Магниторазведка бошқа геофизик усуллар билан асосан тектоник районлаштириш, геологик хариталаш, океан ва денгиз тубларининг тузилишларини, чўкинди жинс қатламларидаги антиклинал ва синклинал курилмаларни ўрганиш, магматик ва метаморфик тоғ жинсларини хариталаш, маъданли ва сульфидли фойдали қазилмаларни қидиришда қўлланилади. Ундан ташқари кимберлит трубкаларини излашда ва ҳар хил гидрогеология ва муҳандислик геология масалаларини ечишда, (кристаллик қояли пойдеворни хариталаш, тектоник бузилишларни белгилаш, жинсларнинг дарзлилигини, ўпирилишларнинг динамикасини ўрганиш ва бошқа), археологияда ҳам қўлланилади (микромагнит хариталаш). Ернинг қадимий магнит майдонини полеомагнит кузатувлари ёрдамида ўрганилади.

Магниторазведка қўлланиладиган соҳалар

• Океан (денгиз) тубининг тузилишини ўрганишда гидромагнит тасвирлаш усуллари қўлланилади ва асосан 1:50000 дан 1:200000 гача масштабда амалга оширилади.
• Геологик хариталашда, асосан, қуйидаги масштаблар ишлатилади:
• 1:50000 дан 1:25000 гача аэромагнит тасвирлаш ишлари учун;
• 1:10000 Ер юзасидаги хариталаш учун.
• Бир неча йиллар илгари платформали вилоятларда магниторазведка изланишлари олдига, асосан, пойдеворнинг юқори қисмигача бўлган чуқурликни аниқлаш ва унинг тузилишини ўрганиш вазифаси қуйилар эди. Бунда пойдеворгача бўлган чўкинди тоғ жинслари амалда магнитланмаган деб кўрилар эди. Лекин, кейинчалик квантли магнитометрлар пайдо бўлиши бу соҳаларда аэромагнит кузатувларни ўтказишнинг янги имкониятларини яратди. Квантли Магнитометр элементларининг сезиш қобилияти юқори бўлганлиги сабабли, улар чўкинди қатламлардаги тузилмаларни ҳам ўрганиш имкониятини берди. Шу сабабли ҳам аэромагнит тасвирлашнинг 1:50000 масштабдаги кузатувлари нефт ва газ конлари ҳосил бўладиган тузилмаларни излашда ва ўрганишда кенг қўлланилади.

ЭЪТИБОРИНГИЗ УЧУН РАҲМАТ!