Магистрлик диссертациясининг қисқача

Тадқиқот объекти ва предмети. Тадқиқотнинг объекти мамлакатимизда фаолият юритаётган тижорат банкларининг кредитлаш амалиёти ҳисобланади.
Тадқиқотнинг предмети бўлиб, “Алоқабанк” АТБ нинг кредит сиёсатини шакллантириш ва амалга ошириш жараёнида юзага келадиган муносабатлар ҳисобланади.
Тадқиқот мақсади ва вазифалари. Тадқиқот мақсади бўлиб, Ўзбекистон тижорат банкларида кредит сиёсатини такомиллаштириш юзасидан илмий таклифлар ва амалий тавсиялар ишлаб чиқиш ҳисобланади. Ушбу мақсадга эришиш учун қуйидаги вазифалар белгилаб олинди:

• 
  тижорат банклари кредит сиёсатининг назарий асосларини тадқиқ қилиш;
  
• 
  тижорат банклари кредит сиёсатининг меъёрий-ҳуқуқий асосларини ўрганиш;
  
• 
  тижорат банкларининг кредитлаш амалиётини таҳлил этиш;
  
• 
  тижорат банклари томонидан мижозларни кредитлаш амалиётида мавжуд бўлган асосий муаммоларни баҳолаш;
  
• 
  тижорат банкларининг кредит сиёсатини такомиллаштириш бўйича илмий таклиф ва амалий тавсиялар ишлаб чиқиш.
  

Тадқиқотнинг илмий янгилиги.
Ўзбекистон Республикаси хусусиятларидан келиб чиққан ҳолда иқтисодиётни эркинлаштириш шароитида тижорат банкларининг кредит сиёсати назарий ва амалий жиҳатдан очиб берилган; тижорат банкларининг кредит портфели сифатини яхшилаш усуллари аниқланган; “Алоқабанк” акциядорлик тижорат банкининг кредит сиёсати, кредит амалиёти таҳлил қилинган; тижорат банкларининг кредитлаш амалиётидаги мавжуд муаммолар таҳлил қилинган ҳамда банкларнинг кредит сиёсатини такомиллаштириш бўйича таклифлар ишлаб чиқилган.
Тадқиқотнинг асосий масалалари ва фаразлари.
- тижорат банкларининг кредит сиёсатини амалга ошириш ва кредитлаш амалиётидаги ўзига хос муаммолар аниқланган ва уларни бартараф этишга қаратилган илмий таклиф ва амалий тавсиялар берилган;
- тижорат банкларининг кредит сиёсатини такомиллаштириш таклифи асосланди.
Диссертация ишида ишлаб чиқилган илмий таклиф ва амалий тавсияларнинг амалиётга тадбиқ этилиши тижорат банкларининг кредит портфели сифатини яхшилашга кўмаклашиши мумкин.