Magistrant: J. M. Narimanov Ilmiy rahbar: I f. n dotsent O. A. Ortiqov

Axborot-ta’lim muhiti - bu ta’lim jarayonini amalga oshirish uchun maqsadli yaratilgan axborot muhiti. Ta’lim jarayoni maxsus ta’lim muassasalarida (maktab, akademik litsey yoki professional ta’lim, oliy ta’lim muassasasi) va undan tashqarida (masalan, inson mustaqil ta’lim olish bilan shug’illanadi va buning uchun Internet resurslari, axborot resurs markazlari fondi va boshqalardan foydalanadi) kechishi mumkin. Shu bois, axborot-ta’lim muhiti har bir ta’lim muassasasi uchun uning muammolari e’tiborga olingan va uni yaratish uchun tanlangan yondoshuvdan kelib chiqqan holda turlicha bo’lsada, ammo, bugungi zamonaviy sharoitda har qanday ta’lim muhitining asosini zamonaviy axborot vositalari va resurslari tashkil etadi.
Axborot-kommunikatsion ta’lim muhitini yaratishdan asosiy maqsad o’qitish sifatini oshirish va qulay ta’lim olish uchun sharoit yaratish, ta’lim jarayoni samaradorligini va oliy ta’lim muassasasining raqobatbardoshligini ta’minlashdan iborat. Axborot-kommunikatsion ta’lim muhiti inson yoki insonlar guruhi tomonidan yaratiladi. Unga kiruvchi sub’yektlar unga moslashadi, o’zining ehtiyojiga uni moslashtiradi, ya’ni muayyan tartibda uni o’zgartiradi. Axborot-kommunikatsion ta’lim muhiti quyidagi bir qator talablarga javob berishi kerak: ko’pfunksionallik, butunlik, modullilik, yarimsub’yektiv yo’nalganlik, ko’pdarajalilik.
2.2. Bo’lajak o’qituvchilarida axborot-kommunikatsion ta’lim
muhitida kasbiy kompetentlikni shakllantirishning asosiy yo’nalishlari
Pedagogik faoliyat – bu pedagogning maxsus kasbiy tayyorgarligi va shaxsiy xulq-atvori qoidalariga amal qilgan holda ta’lim oluvchilarni har tomonlama rivojlantirishga yo‘naltirilgan ta’lim va tarbiya berish jarayonidir.
Pedagogik faoliyat o‘qituvchi va o‘quvchining o‘zaro birgalikdagi faoliyati bo‘lib, ushbu faoliyat natijasida o‘qituvchi o‘quvchiga hissiy, axloqiy, intellektual va kasbiy jihatdan ta’sir etadi. O‘qituvchining pedagogik faoliyati o‘quvchining uch tomonlama rivojlanishiga olib kelishi lozim.
Ular:

• Nazariy jihatdan fanning asosiy tushuncha, qoida, qonunlarni o‘rganishi va xulosalar chiqara olishi;
• Amaliy jihatdan o‘rganilgan bilimlarni amaliyotda qo‘llash qobiliyati va ko‘nikmalarini, shuningdek, ijodiy faoliyat usullarini shakllantirish;
• Mafkuraviy, axloqiy, estetik g‘oyalarni tushunishi, dunyoqarashning shakllanishi va h.k. Biz o‘z tadqiqotimiz natijalaridan kelib chiqib informatika o‘qituvchisining pedagogik faoliyat turlarini bir-biriga chambarchas bog‘liq bo‘lgan quyidagi qismlardan iborat deb topdik