Мадалиева Ойсара Рустамовна Навоий девонлари қўлёзмаларининг таркибий-қиёсий тадқиқи (Ўзр фа шарқшунослик институти фонди қўлёзмалари асосида) Мадалиева Ойсара Рустамовна Структурно-сравнительное исследование

Тадқиқотнинг амалий натижалари
қуйидагилардан иборат: 
Ҳозирда ЎзР ФА ШИ асосий фондида Алишер Навоийнинг «Наводиру-н-
ниҳоя» (2 та), «Ғазалиёт девони» (1 та), «Наводиру-ш-шабоб» (1 та), 

---

12 
«Хазойину-л-маоний» (25 та), «Ғаройибу-с-сиғар» (3 та), «Бадойеу-л-васат»
(2 та), «Фавойиду-л-кибар» (2 та) ва «Терма девон»ларнинг (146 та) XV–XX 
асрлар оралиғида китобат қилинган қўлёзмалари мавжудлиги каталоглар 
ёрдамида аниқланган. Шулардан «Наводиру-н-ниҳоя» (1 та), «Хазойину-л-
маоний» (3 та), «Ғазалиёт девони» (1 та) ва «Терма девон» (3 та) 
қўлёзмаларининг текстологик чоғиштирмаси асосида Алишер Навоий ижод 
йўлини ўзида акс эттирувчи «Хазойину-л-маоний» яратилганидан сўнг ҳам 
аввалги икки девон – «Бадойеу-л-бидоя» ва «Наводиру-н-ниҳоя»нинг адабий 
муҳитда ўз аҳамиятини йўқотмагани далилланган;
Алишер Навоий девонлари нусхаларини тавсифлашда уларнинг таркиби 
ҳам муҳим ўрин тутиши, илмий тадқиқотларда уларнинг таркиби аҳамиятга эга 
экани илмий асосланган; 
Алишер Навоий шеърияти XX асрнинг биринчи чорагига қадар бир неча 
кўринишда кўчирилганини исботлаш орқали матншуносликда маълум ижодкор 
меросининг такомил босқичларини аниқлаш технологияси ишлаб чиқилган. 
Тадқиқот натижаларининг ишончлилиги 
диссертация илмий-таҳлилий, 
қиёсий-типологик, тавсифий, статистик методлар билан асослангани, 
муаммонинг аниқ қўйилгани, илмий янгилик ва назарий хулосаларнинг 
амалиётда жорий этилгани ҳамда олинган натижаларнинг ваколатли 
тузилмалар томонидан тасдиқлангани билан изоҳланади.
Тадқиқот натижаларининг илмий ва амалий аҳамияти. 
Тадқиқот 
натижаларининг илмий аҳамияти Алишер Навоий
 
девонларининг
 
ЎзР ФА ШИ 
қўлёзмалар фондида сақланаётган нусхалари бир тадқиқот доирасида комплекс 
ўрганилиши, уларнинг даврий ва ҳудудий хусусиятидан келиб чиққан ҳолда 
манбашунослик фани доирасида илмий-назарий асос бўлиб хизмат қилиши 
билан белгиланади. 
Тадқиқот натижаларининг амалий аҳамияти шундаки, унда олий таълим 
муассасаларида адабий манбашунослик ва матншунослик фани бўйича дарслик 
ва ўқув қўлланмалар ёзиш, шунингдек, махсус курсларни ўқитиш, Алишер 
Навоий асарларининг янги нашрларини тайёрлашда фойдаланиш мумкин.