M. T. Yulchieva, N. T. Atamuratova

Hujayra  po‘stining  po‘kaklanishi  va  mumlanishi.  O‘simlikning  hujayra 
devorlari  suberin  deb  ataladigan  moysimon  modda  shimib  olsa  hujayralar 
po‘kaklanib  qoladi.  Bunda  hujayra  devori  egiluvchanligini  va  pishiqligini 
saqlaydi,  lekin  suv  va  gazlarni  o‘tkazish  xususiyatini  yo‘qotadi.    Odatda 
po‘kaklashgan  hujayralar  asosan  ko‘p  yillik  o‘simliklarni  tashqi  qavatidagi 
ikkilamchi  qoplovchi  to‘qimalarida  uchraydi.  O‘simlikni  himoya  kilishda 
suberin  bilan  tuyingan  hujayralar  katta  ahamiyatga  ega.  Hujayra  po‘stidagi 
suberinga sudan III eritmasi ta’sir ettirsak qizil rangga bo‘yaladi.  
O‘simliklarda kutinlanish jarayoni ham sodir bo‘ladi. Bunda hujayra po‘sti 
tashqi  tomonidan    suberinga  o‘xshash  mumsimon  modda  -kutin  bilan 
qoplangan  bo‘ladi.  O‘simlikning  barg  va  yosh  novdalari  ustidagi  yaltiroq 
modda  kutin  kavatidir.  Kutin  moddasi  bilan  qoplangan  hujayralar  yaltiroq 
bo‘lib,  o‘simlik  organlarini  har  hil  zararkunandalardan  saqlaydi,  suvning 
bug‘lanishini  kamaytiradi.  Hujayra  po‘stining  kutinlashganini  aniqlash  uchun 
sudan  III    eritmasi  ta’sir  ettirilsa  mumsimon  modda  qovoq  sarik  rangga 
bo‘yaladi.