M. T. Yulchieva, N. T. Atamuratova

 
 
 
AYIQTOVONLILAR KENJA SINFI —RANUNCULIDAE 
 
Bu  kenja  sinfga  kiruvchi  o‘simliklarning  hayotiy  shakllari  asosan 
o‘tsimon  bo‘lib,  spiralsimon  gemitsiklik  yoki  siklik  gullarga  ega.  Ular 
magnoliyagullilarga  yaqin  turadi,  biroq  ulardan  ko‘ra  taraqqiy  etgan,  ya’ni 
ayiqtovonlilarda  oddiy  perforatsiyali  bo‘lsada  suv  naylariga  ega.  Uncha  katta 
bo‘lmagan  bu  kenja  sinfga  uch  tartibga  birlashgan  13  ta  oila  kiradi.  Ulardan 
zirkdoshlar  va  ayiqtovondoshlar  oilasiga  kiradigan  vakillari  mo‘tadil  iqlimda 
o‘sib, inson hayotida boshqa oilalarga nisbatan ko‘proq ahamiyatli bo‘lganligi 
sababli bu ikki oilani batafsil ko‘rib chiqamiz.