M. T. Yulchieva, N. T. Atamuratova

 
 
 
 
 
 
 
 
 
 
 
 
 
 
 
 
 
 
 
 
 

---

170 
 
VI-bob 
 
REPRODUKTIV YOKI GENERATIV ORGANLAR 
 
Har  bir  tirik  organizmning  muhim  xususiyatlaridan  biri  ko‘payib, 
o‘zidan  nasl  qoldirishdir.  Organizmning  jinsiy  ko‘payishi  uchun  xizmat 
qiluvchi organlarga generativ yoki reproduktiv organlar deyiladi.  
Vegetativ  organ  (lotincha  “vegetatio”  so‘zidan  olingan  bo‘lib,  o‘sish, 
rivojlanish  degan  ma’noni  bildiradi).  O‘simlikning  ildizi,  poyasi,  bargi 
vegetativ  organi  hasoblanadi.  Vegetativ  organlar  arxegoniyali,  ochiq  urug‘ 
hamda yopiq urug‘lik o‘simliklarda yaxshi taraqqiy etgan.  
Generativ organ  (lotincha  “genirati”  so‘zidan  olingan  bo‘lib,  yaratmoq, 
tug‘moq,  degan  ma’noni  anglatadi).  O‘simlikning  bunday  organlariga  gul, 
meva  va  urug‘lar  kiradi.  Shuning  uchun  ham  generativ  organi    ko‘payish 
organi  deb  ataladi.    Generativ  organlar  asosan  gulli  va  qisman  ochiq  urug‘li 
o‘simliklarda taraqqiy etgan. 
Yuksak  o‘simliklarning  ko‘payish  organi    hisoblangan  gul  changchi  va 
urug‘chi  sifatida  tushuniladi.  Gulning  o‘ziga  xos    morfologik  tuzilishiga 
bog‘liq  holdagi  roli shundaki,  unda  jinsiy  va  jinssiz ko‘payish  jarayoni  to‘liq 
mujassamlashgan. Ikki jinsli gulda juda murakkab mikro va makrosporogenez 
–changlanish,  urug‘lanish  va  mevaning  hosil  bo‘lishi  rivojlanishi  amalga 
oshadi.  Gul  ontogenezi  urug‘li  meva  hosil  bo‘lishi  bilan  tugallanadi.  Gulning 
qismlari  kam  miqdorda  oziq  moddalar  va  energiya  sarflagan  holda  barcha 
jarayonlarni to‘liq bajarishga moslashgan.