M. T. Yulchieva, N. T. Atamuratova

millefolium),  yurak-qon  tomir  sistemasiga  yaxshi  ta’sir  ko‘rsatadigan  yassi 
bargli  senetsio  (Senecio  platyphyllus),  saflorsimon  levzeya  (Rhaponticum 
carthamoides), moddalar almashinuvining buzilishi natijasida kelib chiqadigan 
teri  xastaliklarini  davolashda  uch  bargli  ittikanak  (Bidens  tripartita), 
bakteriotsidlik xususiyatiga  ega bo‘lgan  malham,  damlamalar  tayyorlanadigan 
o‘simlik – dorivor tirnoqgul (Calendula officinalis)ni keltirib o‘tishni joiz deb 
topdik.   

---

321 
 
       
  86-rasm. Tirnoqgul  Calendula officinalis,                shuvoq (Artemisia)
 
 
PIYOZGULLILAR TARTIBI (LILIALES) 
 
 Bu  tartibning  barcha  turlari  qariyb  ko‘p  yillik  o‘t  o‘simliklardir,  ular 
ko‘pincha  piyozboshli  va  yirik  ildizpoyali  bo‘ladi.  Ular  orasida  buta  va 
daraxtsimon  turlar  juda  siyrak  uchraydi.  Gulqurg‘oni  to‘g‘ri,  ba’zan 
zigomorf,  bir  xil  rangli,  ko‘proq  gultojsimon,  3  tadan  2  doira  bo‘lib 
joylashadi.  Ba’zan  gulqo‘rg‘on  barglari  2—4—5  tadan  ham  bo‘ladi. 
Otaligi  6  ta,  ba’zan  ichki  doiradagisi  rivojlanmaydi.  Mevabargi  qariyb 
hamma vaqt 3 ta, ular qo‘shilib o‘sib 3 uyali ustki tuguncha hosil qiladi. 
Ba’zan  tugunchasi  ostki  bo‘ladi  (irisdoshlar  va  chuchmomadoshlar 
oilasida).  Mevasi  chokidan  chatnovchi  ko‘sakcha,  ba’zan  xo‘l  mevadir. 
Urug‘i hamisha oqsilli va teskari urug‘kurtakli, ya’ni anatrop bo‘ladi. 
 
PIYOZDOSHLAR OILASI-LILIACEAE 
 
Bu  oila  vakillari  ko‘p  yillik  ildizpoyali  yoki  piyozboshli  o‘t 
o‘simliklardir. Gulqo‘rg‘oni, ko‘pincha, gultojsimon, ayrimbargli bo‘lib, 
3  tadan  ikki  doirada  joylashgan.  Otaligi  6  ta,  onaligi  bitta,  tugunchasi 
ustki,  3  uyli  va  3  mevabargli.  Mevasi  ko‘sakcha  yoki  xo‘l  mevadir.  Bu 

---

322 
 
oila  250  avlod  va  3000  ga  yakin  turdan  iborat  bo‘lib,  ular  qariyb  yer 
sharining  hamma  qismida,  xususan,  Dasht  va  cho‘l  zonalarida  keng 
tarqalgan.  Ular  ayniqsa  O‘rta  Osiyo  respublikalarining  tog‘li  yerlarida, 
dasht  va  cho‘l  rayonlarida  ko‘p  o‘sadi.  O‘zbekiston  florasida  24  avlo di 
va 165 turi o‘sadi.  
     Ko‘pgina    sistematiklar  tomonidan  bu  oila  odatda  11  kenja  oilaga 
bo‘linadi. Shulardan ba’zilari bilan tanishib chiqamiz.