M. T. Yulchieva, N. T. Atamuratova

Cho‘l  mavragi  (S.  deserta).  Bu  poyasi  tik  chiqqan  ko‘p  yillik  o‘t 
o‘simlikdir.  Ularning  barglari  uchburchak,  lansetsimon,  ustidan  to‘q  yashil, 
tagidan  kul  rangroq,  gullari  binafsha  rangli,  o‘roqsimon  shlemli  bo‘lib, 
poyasining va shoxchalariping uchida shingil to‘pgul hosil qiladi. 
Kiyik o‘t avlodi (Ziziphora). Bu avlod vakillari kosachasi tor nayli,  tukli, 
gultoji 2 labli, ichi tukli,  otaligi 2 ta, bir yillik va ko‘p yillik o‘t o‘simliklardir. 
Efir  moyiga  boy  bo‘lgani  uchun  g‘oyat  xushbo‘y  hidlidir.  O‘zbekiston 
florasida  ularning  7  turi  tarqalgan.  Cho‘l  yalpizlari  (Z.  persica  va  Z. 
tenuior)  bir  yillik  vakillari  qatoriga  kiradi.  Ular  guli  och  binafsha,  kichik, 
nozik  o‘simlik  bo‘lib,  cho‘ldan  tortib,  tog  etaklarigacha  tarqalgandir.  Ko‘p 
yillik vakillariga kiyik o‘tlar (Z. pedicellata)  misol bo‘la oladi. Ular poyalari 
ko‘p,  ingichka,  odatda  egriroq,  osti  yog‘ochlangan,  gullari  och  binafsha, 
xushbo‘y hidli, efir moyli o‘simlik. Adirlardan tortib tog‘largacha tarqalgan. 
Tog‘jambili  (Origanum).  U  gultoji  2  labli,  otaligi  4  ta,  yong‘oqchasi 
tuxumsimon silliq o‘simlikdir. 25 turdan iborat, asosan O‘rta dengiz atroflarida 
tarqalgandir. Shundan 3 turi MDX florasida, 1 turi (O. tythantum) O‘zbekiston 
florasida tarqalgan.