M. N. Majidov. S. X. Nasimov

3.2 Kichik maktab yoshidagi bolalarning maktabga moslashishi psixologik-pedagogik sharoitlarini tadqiq qilish natijalari tahlili hamda izohi

Tadqiqotimizning birinchi bosqichida biz sinovdan o‘tkazilayotganlarni kuzatdik va birinchi sinf o‘quvchilarining xususiyatlari bilan tanishdik.

1 «A» sinf rahbari bilan suhbatdan biz aniqladikki, sinfda 25 o‘quvchi o‘qiydi, ulardan biri nevrolog hisobida turadi, hozirgi bosqichda o‘qishda kichik qiyinchiliklar namoyon bo‘lmoqda. Sinfdagi to‘rtta bola to‘liqsiz oilada tarbiyalanmoqda, ulardan ikkitasi yomon xulqi bilan ajralib turadi, ulardan tashqari sinfdan boshqa ikkita bolada shunday xulq kuzatilmoqda. 1 «B» sinfda ham 25 o‘quvchi o‘qiydi. O‘qituvchi yomon xulqli beshta bolani ajratdi, ulardan ikkitasi muammoli oiladan. Xulq bo‘yicha shikoyatlardan tashqari o‘qituvchi o‘quv dasturini o‘zlashtirishda qiyinchilikka duch keladigan o‘quvchilarni ham aytdi. Bunday bolalar A sinfda 3 ta va B sinfda ikkitani tashkil qiladi.
SHuningdek qayd qilish kerakki, o‘rganilayotgan bolalar yoshi 6 dan 8 gacha o‘zgaradi, bu esa bizning tadqiqot natijalariga ta’sir qildi. Tadqiqotning mazkur bosqichi yakuni bo‘yicha, biz shunday xulosa qildikki, ikkita sinf ma’lumotlari taxminan o‘xshash va bir-biridan muhim tafovutlar mavjud emas.
Tadqiqot ikki hafta mobaynida turli kunlarda o‘tkazildi. Ginzburg metodikasi bo‘yicha motivatsiya darajasiga ko‘ra beshta shkalaga mos keladigan sinov o‘tkazildi.
1 «A» sinf eksperiment guruhi motivatsiya darajasiga ko‘ra:
25 ta boladan 2 tasida motivatsiyaning juda yuqori darajasi ;
25 ta boladan 6 tasida motivatsiyaning yuqori darajasi;
25 ta boladan 13 tasida motivatsiyaning o‘rta darajasi;
25 ta boladan 3 tasida motivatsiyaning pasaygan darajasi;
25 ta boladan 1 tasida motivatsiyaning past darajasi.
1 «B» sinf nazorat guruhi motivatsiya darajasiga ko‘ra:
25 ta boladan 2 tasida motivatsiyaning juda yuqori darajasi ;
25 ta boladan 5 tasida motivatsiyaning yuqori darajasi;
25 ta boladan 14 tasida motivatsiyaning o‘rta darajasi;
25 ta boladan 2 tasida motivatsiyaning pasaygan darajasi;
25 ta boladan 2 tasida motivatsiyaning past darajasi