M. Mirsaidov

Iqtisodiy Ittifoq (II). Iqtisodiy ittifoq doirasida bir qator masalalar ko’rib chiqiladi hamda qatnashchi-mamlakatlar tomo-nidan olib boriladigan yagona iqtisodiy siyosat kelishib olinadi. Bu ishlab chiqarish omillaridan unumli foydalanishda to’siq bo’la-digan barcha g’ovlarni olib tashlashga yordam beradi. Bu birlashmaga a’zo mamlakatlar iqtisodiyotida ulkan iqtisodiy o’zgarishlar yuz berishiga olib keladi. Hozirgi vaqtda dunyo bo’yicha ana shunday xildagi yagona integratsiya guruhi bu – Evropa Ittifoqi hisob-lanadi. (1993 yil 1-noyabrda tashkil etilgan). Evropa Ittifoqi doirasida qishloq xo’jaligi bo’yicha yagona siyosat olib boriladi, shuningdek, kelishib olingan sanoat, energetika, transport, ijtimo-iy, ilmiy- texnik va mintaqaviy siyosat o’tkaziladi.
Integratsiyaning bu shakli juda murakkab va integratsiya muno- sabatlarining kompleks shakllari – iqtisodiy va valyuta birlash-malari asosida shakllanadi. Bunday birlashmaning xarakterli to-monlari:

• 
  Milliy valyutalarning muvofiqlashgan holda suzib yurishi;
  
• 
  O’zaro maslahatlashib olingan holda fiksirlashtirilgan valyu-ta kursini joriy etish, bu kurs qatnashchi – mamlakatlar markaziy banklari tomonidan maqsadga yo’naltirilgan holda qo’llab-quvvatlab turiladi.
  
• 
  Mintaqaviy yagona valyutani muomalaga kiritish;
  
• 
  Mavjud xalqaro valyuta birligi emissiya markazi bo’lib hisob- lanadigan yagona bankni tashkil etish;
  
• 
  Makroiqtisodiy siyosat bilan muvofiqlashtirilgan yagona valyuta va kredit siyosatini kelishilgan holda vujudga keltirish ta’minlanadi.
  

Hozirgi paytda bu talablarga javob beradigan birdan-bir integratsion guruh Evropa Ittifoqi doirasida tashkil etilgan «Evrozona»dir (1999 yil 1- yanvarida tashkil etilgan). Bu birlashma 11 mamlakatni birlashtirgan.
To’liq iqtisodiy va siyosiy integratsiya unifikatsiyalashtirilgan (bir xil normaga solish) huquqiy baza asosida yagona iqtisodiy siyosatni olib borish ko’zda tutiladi (umumiy soliq tizimi, mavjud yagona standartlash, yagona konfederativ mamlakatni shakllantiradi).

2.