М. Марупова, Р. Акбаров, Г. Мирзахмедова “фармакогнозия”

Gllycyrrhiza glabra
. 
Оиласи. Дуккадошлар - Fabaceae
. 
Қизилмия кўп йиллик бўйи 50-150 см гача етадиган, ер остки қисми 
кучли тараққий этган ўт ўсимлик. Илдизпояси йўғон ва ер остида горизонтал 
новдалари ва битта вертикал ўқ илдизи бўлади. Ўқ илдизи узунлиги 4-5 м 
гача бўлади. Пояси бир нечта кам шохланган, тукли, безлар ва майда 
тиканлар билан қопланган. 
Барги тоқ патли (3-7 жуфт) мураккаб. Баргчалари эллипсимон, 
тухумсимон ѐки ланцетсимон, текис қиррали, ѐпишқоқ безлар билан 
қопланган. Қўшимча барглари майда, ланцетсимон кейинчалик тўкилиб 
кетади. Гуллари қийшиқ, шингилга тўпланган. Гулкосача ва тож барглари 5 
тадан: оқиш-бинафша рангли гули капалак гуллиларга хос тузилган. Оталиги 
10 та 9 таси бир-бири билан бирлашган. 
Меваси пишганда очилмайдиган, пояси қуригандан сўнг очиладиган 
дуккак. Июнь-августда гуллайди, меваси август-сентябрда етилади.
Маҳсулотнинг ташқи кўриниши
. Тайѐр маҳсулот ҳар хил 
узунликдаги 3-50 мм йўғонликдаги цилиндрсимон илдиз бўлакларидан 
иборат. Ҳидсиз, ширин. Унда 0,25% ли NH
4
OH да ажралиб чиқадиган 
экстракт моддалар миқдори 25% дан кам бўлмаслиги керак.
Маҳсулотнинг микроскопик тузилиши
.
Кўндаланг кесими:
пўстлоқ паренхимаси ва флоэма жойлашган, кўп 
қаторлик ўзак нур ҳужайралари ва крахмал доначалари бор. Ўзак нур 
ҳужайралари оралиғида қалинлашган элаксимон найлар ва гурух бўлиб 
жойлашган кўпгина толалар (стеридлар) учрайди. Ксилемада жуда катта 
трахеид билан ўралган сув найлари ва гурух бўлиб жойлашган 
склеренхималар бор. 
Узунасига кесимда:
Ҳар хил сув найлари ва улар орасида бочкасимон 
сув найи (тегишли хошияли қизилмия илдизга хос) бор. Флоэма ва ксилемада 
қалин деворли. кристалли ҳужайралар билан ўралган склеренхима толалари 

---

52 
группа-группа бўлиб учрайди.