М. М. Мусаев компьютер тизимлари ва тармоқлари

Компьютернинг асосий параметрлари ва техник характеристикалари.
Иш унумдорлиги – бу компьютернинг ишлаш тезлиги кўрсатгичидир. Илгари бу параметр секундига бажариладиган операциялар (опер/сек.) сони билан ўлчанган. Бироқ кейинроқ тури бўйича турли буйруқларнинг турли тезликларда бажарилишини ҳисобга олиб иш унумдорлигини икки асосий баҳолаш турлари қабул қилинди. MIPS (Million Instruction Per Second) баҳолаш қайд этилган вергулли сонлар устида секундига миллионта бажариладиган операцияларга мос келади. MFLOPS (Million of Floating Point Operation Per Second) баҳолаш суриладиган вергулли (нуқтали) сонлар устида секундига миллионта бажариладиган операцияларга мос келади. Иккинчи баҳолаш кўп процессорли тизимларнинг унумдорлигини кескин ўсишига боғлиқ сурилувчи вергулли сонлар учун GFLOPS (секундига миллард операциялар) ва TFLOPS (секундига триллион операциялар) вариантларга эга.
Алоҳида олинган бир кристалли процессорлар учун, айниқса шахсий компьютерларда иш унумдорлиги такт частотаси (кГц, МГц, ГГц) орқали баҳоланилади. Масалан, 100 МГц такт частотали процессор секундига 20 миллионта оддий арифметик операцияларнинг бажарилишини таъминлайди.
Хотира сиғими. Замонавий компьютерда сиғими, ўқиш/ёзиш вақти ва аппаратли ишлатиши билан фарқланадиган бир неча хотира турлари мавжуд.
Оператив, энг тезкор ишлайдиган хотира она платада алоҳида КИС кўринишида жойлаштирилади ва адресланадиган ҳотиранинг энг тезкор тури ҳисобланади. Унинг сиғими Кбайт ёки Мбайт (минг ва миллион байт) ларда ўлчанади. Қаттиқ магнит дисклардаги (винчестер дейиладиган) сақловчилар сиғими, одатда, гигабайтларда (миллиард байт) ўлчанади. 3,5 дюмли ихчам магнит дискидаги сақловчининг сиғими 1,44 Мбайтни ташкил этади.
Хотира турлари кенгроқ кейинроқ ёритиб берилади.
Разрядлилик (машина сўзининг узунлиги) бу компьютер операцияларни амалга ошириладиган стандарт машина форматидаги сўзни иккилик саноқ тизимидаги хоналар сонидир. Замонавий компьютерларда у 32 ёки 64 иккилик разрядларни ташкил этади. Сўзнинг узунлиги компьютернинг кўплаб параметрларига: тезкор ишлашига, ҳисоблаш аниқлигига, хотирага ўқиш ёки ёзиш тезлигига таъсир этади. У айниқса кўпайтириш, бўлиш, даражага кўтариш, илдиздан чиқариш каби кўп вақт талаб қилинадиган операцияларни бажариш ишида ҳисоблаш аниқлилигини белгилаб беради.